ខេមរ: សិរីមន្ត ប្រកាសចែកមៀនប៉ៃលិនដោយឥតគិតថ្លៃនៅព្រឹកថ្ងៃនេះ

តារាចម្រៀងលំដាប់ប្រទេសលោក ខេមរ: សិរីមន្ត បានប្រកាសនៅមុននេះថា លោកនឹងចែកផ្លែមៀនប៉ៃលិនទៅតាមខណ្ឌ ហើយបងប្អូនក៏អាចទៅទទួលយកដោយឥតគិតថ្លៃក្នុងម្នាក់៥គីឡូផងដែរ។

លោក ខេមរ: សិរីមន្ត បានបង្ហោះរូបភាពមៀនប៉ៃលិនរាប់សិបគីឡូដែលទើបដឹកដល់ផ្ទះរបស់ខ្លួននារសៀលម្សិលមិញថា មៀនប៉ៃលិនដែលលោកបានបញ្ជារទិញពីផ្សារកសិផលធម្មជាតិរបស់អ្នកឧកញ៉ា ឡេង ណាវ៉ាត្រា បានមកដល់គេហដ្ឋានរបស់លោកហើយ។

តារាចម្រៀង ខេមរ: សិរីមន្ត បញ្ជាក់ទៀតថាពេល នេះលោកត្រៀមចែកចាយមៀនប៉ៃលិនទៅតាមមណ្ឌលនៅម៉ោង ០៩ព្រឹកថ្ងៃសៅរ៍នេះ បងប្អូនអាចមកទទួលយកមៀនក្នុងមួយនាក់៥គីឡូដោយឥតគិតថ្លៃ នៅផ្ទះរបស់លោកបាទផ្ទាល់។ លោកក៏បានសូមអធ្យាស្រ័យមៀនមានកំណត់មិនអាចជូនបងប្អូនបានគ្រប់គ្នានោះទេ។

តាមរយ:ការប្រកាសនេះបានធ្វើឲ្យមហាជននិងអ្នកគាំទ្រផ្ទុះការសរសើតគ្រប់គ្នាចំពោះទង្វើរចែករំលែកពីសំណាក់តារាចម្រៀងល្បីឈ្មោះលោក ខេ មរ: សិរីមន្ត នាពេលនេះ៕

អត្ថបទ៖ ចាន់រ៉ា

ចុចអាន៖ ថតស្ប៉តម្ដងៗមិនក្រោម១០ម៉ឺនដុល្លារ ព្រាប សុវត្ថិ ខេមរៈ សិរីមន្ត ចុះប្រូម៉ូដផ្លែមៀនប៉ៃលិន ជូន​ពលរដ្ឋមិនគិតប្រាក់មួយដុល្លារ

ចុចអាន៖ អ្នកគាំទ្រកម្ពុជាផ្ទុះការមិនពេញចិត្តឈុតមួយដូចប្រាសាទព្រះវិហារ ក្នុងបទចម្រៀងថ្មីរបស់ Lisa សមាជិកក្រុម Blackpink