សូ ដានីតា ស្តាយចិត្តដែលខំរកលុយទាំងកូនឈឺ តែបែរមកចាញ់ល្បិចលួងលោម សឿ សុធារ៉ា

រឿងរ៉ាវចម្រូងចម្រាស់រវាងតារាសម្តែង សូ ដានីតា និងតារាស្រី សឿ សុធារ៉ា ជុំវិញបំណុលជិត ៤ ម៉ឺនដុល្លារ មហាជននិងអ្នកគាំទ្រប្រាកដជាបានដឹងគ្រប់គ្នាហើយ ខណ:ដំណោះស្រាយសម្រាប់ម្ចាស់បំណុល សូ ដានីតា នៅមិនទាន់មានពន្លឺនៅឡើយទេ។

ដោយសារតែហេតុផលពុំទាន់មានតម្រុយចំពោះអ្នកនាង សូ ដានីតា ដែលជាម្ចាស់បំណុលនេះហើយទើបថ្មីៗកន្លងទៅតារាស្រីរូបនេះបានចេញមុខព្រមានផ្លូវច្បាប់លើកូនបំណុលខ្លួនអ្នកនាង សឿ សុធារ៉ា។ ម្យ៉ាងទៀតបញ្ហានោះក៏កាន់តែធ្វើ សូ ដានីតា ហួសចិត្តខ្លាំងលើទង្វើរគ្មានទំនូលខុសត្រូវរបស់ សឿ សុធារ៉ា ផងដែរ។

ដោយឡែកជាថ្មីម្តងទៀតអ្នកនាង សូ ដានីតា ទម្លាយសារទៅកាន់មហាជន និងដាស់តឿន សឿ សុធារ៉ា ដែរថា “ខ្ញុំខំធ្វើការទោះយប់ទាំងថ្ងៃ ទោះកូនឈឺក៏បីកូនបណ្តើរធ្វើការបណ្តើរ ដោយលំបាកកុំស្មានថា អ្នកបានលុយទៅហើយធ្វើប្រងើយបានឱ្យសោះ។

តារាសម្តែង សូ ដានីតាបានលើកឡើងបន្ថែមទៀតថា ដូចជាមើលងាយម្ចាស់បំណុលពេកហើយនាង សឿ សុធារ៉ា។ស្តាយចិត្តដែលខំអាណិតស្រលាញ់ រាប់ខែឆ្នាំ។ ជុំវិញបញ្ហានេះដែររហូតមកទល់ពេល នេះមិនទាន់ឃើញមានប្រតិកម្មណាមួយពីអ្នកនាង សឿ សុធារ៉ា នៅឡើយទេ៕

អត្ថបទ៖ ចាន់រ៉ា