ជីវិតកម្សាន្ដ

សូ ដានីតា ៖ «បើខ្ញុំស្លាប់ កុំកប់ ដុតទៅ»

បានផុស

៣ years មុន

នៅ

ថ្ងៃសុក្រ ២៨ កក្កដា ២០២៣

ដោយ

តារាសម្ដែង និងចម្រៀង អ្នកនាង សូ ដានីតា បានធ្វើឲ្យអ្នកគាំទ្រជាច្រើនមានការភ្ញាក់ផ្អើលគ្រប់ៗគ្នា ខណៈសុខៗ ស្រាប់តែបន្លុយពាក្យយ៉ាងចាប់អារម្មណ៍ថា «ផ្ដាំកូន ផ្ដាំញាតិ បើខ្ញុំស្លាប់ កុំកប់ ដុតទៅ តែ ២-៣ ម៉ោង ទេ “ok”»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង សូ ដានីតា បានបង្ហោះរូបភាពមួយសន្លឹក ភ្ជាប់ខ្លឹមសារលក្ខណៈប្រៀបធៀបថា «គិតៗ ទៅ ទឹកសម្រាប់ហូប តែទឹកក៏អាចឲ្យយើងលង់ស្លាប់ ដីសម្រាប់ទ្រទ្រង់ នៃការរស់នៅ តែដីក៏អាចជាអ្នកកប់រូបកាយ ភ្លើងសម្រាប់ចម្អិន និងបំភ្លឺ ភ្លើងក៏ជាអ្នករំលាយរាងកាយ ថ្នាំសម្រាប់ព្យាបាល តែថ្នាំក៏អាចធ្វើឲ្យយើងស្លាប់ សាកសពគេយកទៅបូជា(ដុត) ពិតជាក្ដៅ តែត្រឹម ២-៣ ម៉ោង ក៏រលាយអស់»។

តារាសម្ដែងកូនមួយ សូ ដានីតា និយាយទៀតថា «សាកសពគេយកទៅបញ្ចុះ(កប់) ពិតមិនក្ដៅ តែដង្កូវចោះរលួយឈឺចាប់ស្អុយរាប់ខែ»។ សូ ដានីតា ថា «ផ្ដាំកូន ផ្ដាំញាតិ បើខ្ញុំស្លាប់ កុំកប់ ដុតទៅ តែ ២-៣ ម៉ោង ទេ Ok”»។ ជាមួយខ្លឹមសាររបស់ សូ ដានីតា ខាងលើនេះ បានធ្វើឲ្យមហាជន អ្នកគាំទ្រ សម្ដែងការលើកទឹកចិត្តដល់នាងគ្រប់ៗគ្នា។

តាមរយៈនេះ ក៏មានការលើកឡើងថា «បងមានរឿងអ្វីក៏ដោយ សូមបងកុំបោះបង់ចោលខ្លួនឯងណាបង ពេលដែលបងហែលឆ្លងបញ្ហានេះផុត បងនឹងដឹងថាជីវិតបងមានតម្លៃលើសបញ្ហាទាំងអស់នេះ ហើយមានរឿងល្អច្រើនណាស់ដែលរង់ចាំបងនៅខាងមុខ។ សូមជឿលើអ្វីដែលប្អូននិយាយ បងស្រីអាចជម្នះបញ្ហាបាន។ បើមិនធ្វើដើម្បីខ្លួនឯង សូមធ្វើដើម្បីកូនប្រុសជាទីស្រលាញ់តែម្នាក់របស់បង»៕

អត្ថបទ ៖ ចាន់រ៉ា