ជីវិតកម្សាន្ដ

ម្ចាស់ពាន Mister Supranational Cambodia 2022 ឡៅ បញ្ញា សុំការលើកទឹកចិត្តពីអ្នកគាំទ្រ

បានផុស

៤ years មុន

នៅ

ថ្ងៃព្រហស្បតិ៍ ៧ មេសា ២០២២

ដោយ

ខណៈពេលដែលកំពុងត្រៀមខ្លួនចេញទៅប្រកួតលើឆាកអន្តរជាតិនាទឹកដីប្រទេសប៉ូឡូញ ម្ចាស់ជយលាភីក្នុងកម្មវិធី Mister Supranational Cambodia 2022លោក ឡៅ បញ្ញា បានស្នើរសុំឲ្យមានការផ្តល់កម្លាំងចិត្តពីអ្នកគាំទ្រនិងមហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតបន្ទាប់ពីបញ្ចប់កម្មវិធីប្រកួតបុរសឯក Mister Supranational Cambodia គឺបានរកឃើញម្ចាស់ជយលាភី Mister Supranational Ca mbodia ប្រចាំឆ្នាំ ២០២២ ដោយបានទៅលើលោក ឡៅ បញ្ញា។បច្ចុប្បន្នលោកបាននិងកំពុងតែខិតខំហ្វឹកហាត់យ៉ាងយកចិត្តទុកដាក់ និងស្ទាត់ជំនាញដើម្បីត្រៀមតំណាងឱ្យកម្ពុជាចូលរួមប្រកួតលើឆាកអន្តរជាតិ Mister Supranational ២០២២។

បើតាមការបញ្ជាក់ឲ្យដឹងលោក ឡៅ បញ្ញាបានប្រាប់ថា កម្មវិធីប្រកួតនៅលើឆាកអន្តរជាតិនេះ គឺនឹងត្រូវប្រព្រឹត្តធ្វើឡើងនៅក្នុងខែកក្កដា ឆ្នាំ ២០២២ ខាងមុខនេះ នៅឯប្រទេសប៉ូឡូញ ដោយមានតំណាងប្រទេសមួយចំនួនទៀតចូលរួមផងដែរ។ បញ្ញា ក៏បានបង្ហាញការប្ដេជ្ញាចិត្តដោយភាពមុះមុតជឿជាក់ដើម្បីតំណាងឱ្យកម្ពុជាចូលរួមប្រកួតលើឆាកអន្តរជាតិខាងនេះផងដែរ។

ជាមួយគ្នានេះលោក ឡៅ បញ្ញា ក៏បានលើកឡើងដែរថា« ខ្ញុំបាទ ឡៅ បញ្ញា សូមគោរព និងអរគុណ ចំពោះការគាំទ្រ និងស្រឡាញ់ដ៏កក់ក្ដៅពីពុកម៉ែបងប្អូន និងហ្វេនៗទាំងអស់គ្នា។ ក្នុងនាមខ្ញុំជាម្ចាស់ជយលាភីក្នុងកម្មវិធី Mister Supranational Cambodia 2022 ខ្ញុំបាទសូមប្ដេជ្ញាចិត្តថា នឹងខិត ខំប្រឹងប្រែងឱ្យអស់ពីសមត្ថភាពទាំងកម្លាំងកាយ និងកម្លាំងចិត្តក្នុងការប្រកួតនៅប្រទេស Poland ក្នុងខែ ៧ ខាងមុខនេះ(កូនខ្មែរប្រជាជនខ្មែរប្រទេសកម្ពុជា)»៕