ជីវិតកម្សាន្ដ

ឆន សុវណ្ណារាជ យំខ្សឹកខ្សួលបន់ស្រន់សុំឲ្យព្រលឹងម្ដាយ តាមថែរក្សាឪពុកកំពុងធ្លាក់ខ្លួនឈឺ

បានផុស

៣ years មុន

នៅ

ថ្ងៃព្រហស្បតិ៍ ២៣ មិថុនា ២០២២

ដោយ

តារាចម្រៀងប្រុសលោក ឆន សុវណ្ណារាជ បានធ្វើឲ្យទស្សនិកជន និងអ្នកគាំទ្រសម្តែងការអាណិតគ្រប់គ្នាបន្ទាប់ពីឃើញលោកបង្ហោះសារសោកសៅ ដោយយំខ្សឹកខ្សួលសម្រក់ទឹកភ្នែកលើរូបថតអ្នកម្តាយជាទីស្រលាញ់ដែលចែកឋានទៅហើយនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកាយវិការនោះដែរ គេក៏ឃើញតារាចម្រៀង ឆន សុវណ្ណារាជ បានធ្វើការនិយាយបន់ស្រន់ទាំងទឹកភ្នែកសុំឲ្យព្រលឹងរបស់អ្នកម្ដាយមកជួយតាមថែរក្សាលោកឪពុកកំពុងធ្លាក់ខ្លួនឈឺឲ្យលោកឆាប់បានជាសះស្បើយពីជំងឺផងដែរ។ ឆន សុវណ្ណារាជ បានរៀបរាប់ខ្លឹមសារកម្សត់ដូច្នេះថា លើកទីមួយដែលលោកហ៊ានបើកមើលព្រោះតែនឹកខ្លាំងពេកពេលនេះលោកពុកកំពុងឈឺ។

តារាចម្រៀងប្រុសលោក ឆន សុវណ្ណារាជ បានថ្លែងការបន់ស្រន់ទៅកាន់ដួងព្រលឹងអ្នកម្តាយទៀតថា សូមអ្នកម្តាយជួយឲ្យលោកពុកឆាប់ជាណាចង់ប្រាប់ថា នឹកខ្លាំងណាស់អ្នកម្តាយកូនអើយ។ ដោយឡែកទាក់ទងស្ថានភាពជំងឺរបស់លោកឪពុកមិនត្រូវបានលោក ឆន សុវណ្ណារាជ បញ្ជាក់ថាមានអាការៈបែបណានៅឡើយទេ។ ខណ:ក៏មានអ្នកគាំទ្រ និងមិត្ដភក្តិសិល្បៈនាំគ្នាលើកទឹកចិត្ដលោកផងដែរ។

បន្ថែមពីលើនេះដែរលោក ឆន សុវណ្ណារាជ បញ្ជាក់ថាចាប់តាំងតែពីម្តាយលោកចែកឋានទៅប៉ុន្មានឆ្នាំមកនេះ លោកមិនដែលហ៊ានបើកមើលរូបថតម្តងណាទេ ទើបតែលើកនេះដាច់ចិត្តបើករូបថតរបស់គាត់ទាំងក្តីអាល័យនឹងសោកសៅជាពន់ពេក។ ម្យ៉ាងលោកក៏បានបន់ស្រន់ទៅកាន់អ្នកម្តាយឲ្យជួយតាមថែរក្សាលោកឪពុកឆាប់ជាសះស្បើយពីជំងឺ៕

អត្ថបទ៖ ចាន់រ៉ា

សូមទស្សនាវីដេអូ៖