ជីវិតកម្សាន្ដ
អ្នកដឹកនាំផលិត MV ថ្មីរបស់ Girls’ Generation សុំទោសចំពោះការរចនាឡូហ្គោតាមគេ
អ្នកដឹកនាំផលិតវីដេអូ MV សម្រាប់បទចម្រៀងថ្មី “Forever 1” របស់ក្រុម Girls’ Generation បានទទួលស្គាល់ និងសុំទោសចំពោះការលួចចម្លងតាមរូបឡូហ្គោពីឧទ្យាន Tokyo Disney Sea ។
ការចោទប្រកាន់នេះទើបតែកើតឡើងនាពេលថ្មីៗនេះប៉ុណ្ណោះ បន្ទាប់ពីការចេញផ្សាយវីដេអូចម្រៀងមួយបទដើម្បីអបអរសាទរខួបលើកទី ១៥ ឆ្នាំរបស់ក្រុម Girls’ Generation ខណៈអ្នកប្រើប្រាស់អ៊ីនធឺណិតជនជាតិជប៉ុនមួយចំនួនក៏បានលើកឡើង និងសង្ស័យនៃការលួចចម្លងឡូហ្គោនេះផងដែរ ដោយនិយាយថា រូបភាពឡូហ្គូដែលបង្ហាញខួបលើកទី ១៥ របស់ក្រុម Girls’ Generation នៅក្នុងវីដេអូចម្រៀង “Forever 1” ស្រដៀងទៅនឹងរូបភាពឡូហ្គោរបស់ឧទ្យាន Tokyo Disney Sea នៅពេលដែលសួនកម្សាន្តមួយនេះប្រារព្ធខួបលើកទី ១៥ របស់ខ្លួន ។
ស្របពេលដែលការចោទប្រកាន់នេះកំពុងកើនឡើង អ្នកដឹកនាំផលិតវីដេអូចម្រៀងអ្នកស្រី Shin Hee-won ក៏បានសារភាពដែរថាពិតជាបានចម្លងការរចនាម៉ូដឡូហ្គោពីឧទ្យាន Tokyo Disney Sea ហើយក៏បានចេញមុខសុំទោសផងដែរ ។
អ្នកស្រីបានសរសេរនៅលើ Instagram ថា “ខ្ញុំសុំទោសសម្រាប់ការរចនាឡូហ្គោមួយនេះដោយគ្មានការអនុញ្ញាត ។ ខ្ញុំជាទទួលខុសត្រូវបន្ទុកលើដំណើរការផលិតវីដេអូចម្រៀងទាំងមូល ជាពិសេសការរចនាឡូហ្គោគម្រប់ខួប ១៥ ឆ្នាំ ដើម្បីអបអរសាទរ និងបង្ហាញនៅក្នុងវីដេអូចម្រៀងនេះ” ។
អ្នកស្រីបានបន្ថែមទៀតថា “ការរចនារូបឡូហ្គូនេះគឺជារបស់ឧទ្យាន Tokyo Disney Sea នៅពេលប្រារព្ធខួបលើកទី ១៥ ។ ខ្ញុំសុំទោសចំពោះសមាជិក Girls’ Generation និងផលិតកម្ម SM Entertainment ដែលពួកយើងបង្កបញ្ហា និងអ្នកគាំទ្រដែលចូលចិត្តវីដេអូចម្រៀងមួយនេះ” ។
គូរបញ្ជាក់ថា អ្នកស្រី Shin ធ្លាប់មានស្នាដៃដឹកនាំផលិតវីដេអូបទចម្រៀងជាច្រើន ក្នុងនោះមានដូចជា “Lucky One របស់ EXO”, “View” របស់ SHINee, “BABE” របស់ HyunA, “The Closer” របស់ Red Velvet, “Russian Roulette” របស់ Seventeen, “Pretty “U” និង NCT DREAM របស់ My First and Last ជាដើម” ៕
ប្រែសម្រួលដោយ ៖ នាងតូច
ចុចអាន ៖ Girls’ Generation លុបចោលការសម្តែងទាំងអស់ ក្រោយសមាជិកក្នុងក្រុមឆ្លងកូវីដ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត