តារាសម្តែង Yoo Joo-eun ធ្វើអត្តឃាត ក្នុងវ័យ ២៧ឆ្នាំ បន្សល់ទុកសំណេរមួយច្បាប់

តារាសម្តែងកូរ៉េខាងត្បូង Yoo Joo-eun បានស្លាប់ដោយការធ្វើអត្តឃាត ក្នុងវ័យ ២៧ឆ្នាំ ដោយមិនដឹងមូលហេតុច្បាស់លាស់។ នេះបើតាមខ្លឹមសារបង្ហោះនៅលើគណនី Instagram របស់បងប្រុសរបស់នាង កាលពីព្រឹកថ្ងៃទី២៩ ខែសីហា ឆ្នាំ២០២២។

គាត់បានសរសេរថា “នៅថ្ងៃទី២៩ ខែសីហា ឆ្នាំ២០២២ Joo-eun បានចាកចេញពីពិភពលោកនេះ ហើយនាងកំពុងទៅកាន់កន្លែងដ៏ស្ងប់សុខ។ ប្រសិនបើអ្នកមានពេលទំនេរ សូមមកលា Joo-eun ផង” ។

ក្រោយពេល Yoo Joo-eun ធ្វើអត្តឃាត ប្រព័ន្ធ​ផ្សព្វផ្សាយ​កូរ៉េ​បានបើកកកាយ​កំណត់ហេតុរបស់នាង ដែលនាងបន្សល់ទុក​មុនពេលស្លាប់ ដែលអត្ថន័យនៅក្នុងនោះ ភាគច្រើនជាសំណេរទុក្ខសោក និងពាក្យបំបាក់ទឹកចិត្ត ដែលនាងទទួលបានអាជីពសម្ដែង។

នាងបានសរសេរថា «​ខ្ញុំ​សុំទោស​ដែល​ចាកចេញ​មុន ជាពិសេស​​ម៉ាក់ ប៉ា លោកយាយ និង​បងប្រុស​​»​។ នៅក្នុងខ្លឹមសារសំណេរនាង​បាន​បន្ថែម​ថា អាជីព​សម្ដែង​គឺ​ជាព្រះ​ពរ ប៉ុន្តែវាក៏​ជា​បណ្ដាសារដែរ។

គេបានរកឃើញទៀតថា Joo-eun រងសម្ពាធខ្លាំងពីអាជីពសិល្បៈរបស់នាង ហើយនាងមានបំណងសម្លាប់ខ្លួនជាយូរមកហើយ។ នាងបានផ្ដែផ្ដាំអ្នកស្គាល់នាង កុំឱ្យយំពេលគ្មាននាង ហើយនាងក៏បានអរគុណចំពោះក្រុមគ្រួសារ មិត្តភក្តិ និងគាំទ្ររបស់នាងផងដែរ។ មកទល់នឹងពេលនេះ ពុំមាននរណាអាចបញ្ជាក់បានទេថា Joo-eun ធ្វើអត្តឃាតដោយសារអ្វីឱ្យប្រាកដ ប៉ុន្តែតាមរយៈសំណេរដែលបានបន្សល់ទុក ប្រិយមិត្តអាចស្មានដឹងខ្លះៗមិនខាន។

គួរបញ្ជាក់ថា Joo-eun បានបង្ហាញខ្លួនជាលើកដំបូងនៅក្នុងរឿង K-drama ក្នុងខ្សែភាពយន្ត Big Forest ឆ្នាំ២០១៨ ហើយត្រូវបានទស្សនិកជនស្គាល់កាន់តែច្រើន និងចាត់ទុកជាតារាស្រករក្រោយដ៏ឆ្នើមម្នាក់ក្រោយសម្ដែងនៅក្នុងរឿង Joseon Survival Period ឆ្នាំ២០១៩ ជាមួយនឹង Kang Ji-hwan, Kyung Soo-jin និង Song Won-seok ៕

ប្រែសម្រួល៖ សន្យា

ចុចអាន៖ ព្រោះហេតុផលស្រដៀងគ្នានេះ តារាកូរ៉េ ៥រូប សម្រេចធ្វើអត្តឃាត បន្សល់តែការសោកស្ដាយ