តារា​ប្រុស​ពីរ​ដួង ហ៊ានសាក់​​​រូប​​គូស្នេហ៍​បញ្ជាក់​​ក្តីស្មោះ​ឥត​ប្រែប្រួល

សិល្បៈនៃការសាក់​រូបនៅលើរាងកាយព្រោះតែការស្រលាញ់ ឬជាការតុបតែងខ្លួនបន្ថែមភាពទាក់ទាញមួយកម្រិតទៀត។ ដោយឡែក​សិល្បករ​មួយ​ចំនួន ក្រៅពីសាក់រូប​បញ្ជាក់ពី​​ក្តី​ស្រឡាញ់ និងហ៊ានលះបង់អ្វីៗគ្រប់យ៉ាងចំពោះគូស្នេហ៍​របស់ខ្លួន។

១.តារាចម្រៀងរ៉េប លោក ងួន ចាន់ដេវីត

តារាចម្រៀងរ៉េប លោក G-Devith​ ដែលមានឈ្មោះបោះសំឡេងនៅក្នុងរង្វង់សិល្បៈ និងមានការគាំទ្រពីសំណាក់មនុស្ស​ទូទៅ​ជាពិសេសយុវវ័យសម័យថ្មី។ លោក G-Devith ដែលអ្នកគាំទ្របានដឹងថាមានទំនាក់ទំនងជាមួយកញ្ញាទេព បូព្រឹក្ស លោក​បានសាក់រូបនៅលើស្មាផ្ទាល់ ដើម្បីបញ្ជាក់ពីក្តីស្រលាញ់កាន់តែខ្លាំងលើកញ្ញាទេព បូព្រឹក្ស បើទោះជា គូស្នេហ៏មួយគូរនេះមិនទាន់រៀបការក៏ដោយ តែក្តីស្រលាញ់អ្នកទាំងពីរហាក់មានភាពផ្អែមល្ហែមដាក់គ្នាគួរឲ្យគត់សម្គាល់។

២.តារាសម្តែង លោក ថមមី

តារាសម្តែងប្រុសលោក ថមមី បានចាប់ដៃជាមួយតារាចម្រៀងស្រីអ្នកនាង សួស វីស្សា ក៏ទទួលបានរង្វាន់កូនស្រីម្នាក់យ៉ាង​គួរឲ្យស្រលាញ់។ ក្នុងនោះគេសង្កេតឃើញថា ចំពោះក្តីស្រលាញ់ដែលលោកថមមីមានទៅកាន់ភរិយាធំយ៉ាងណានោះទេ រហូតដល់សាក់រូបប្រពន្ធនៅលើដើមទ្រូងខាងស្តាំទៀតផង ដែលធ្វើឲ្យមានការភ្ញាក់ផ្អើលពីបណ្តាអ្នកគាំទ្រយ៉ាងខ្លាំង។ រហូតមកដល់ពេលនេះ ប្តីប្រពន្ធមួយគួរនេះហាក់បង្ហាញភាពផ្អែមល្អែមជាមួយគ្នាកាន់តែខ្លាំងពីមួយថ្ងៃទៅមួយថ្ងៃ។

បច្ចុប្បន្ននេះ​ក្រៅពីតារាក្នុង​រង្វង់​សិល្បៈ ​គេ​សង្កេត​ឃើញ​ថា​ក៏មានយុវ័យមួយចំនួនបានសាក់រូបគូស្នេហ៏លើ​រាងកាយ​ក្នុង​ន័យ​បញ្ជាក់ពីក្តីស្រលាញ់ចំពោះគ្នាទៅវិញទៅមក។ ​ក៏​មាន​មួយ​ចំនួន​សាក់​​ក្នុង​រូបភាព​លម្អ​រាងកាយ​តាម​ចំណូល​ចិត្ត​តែ​ប៉ុណ្ណោះ​៕

ដោយ៖ ឌឿនចាន់ ថារី