Connect with us

ព័ត៌មានជាតិ

សិល្បករ-សិល្បការិនី ចែករំលែកបទពិសោធដើម្បីថែរក្សានូវតម្លៃ និងសេចក្ដីថ្លៃថ្នូរ

បានផុស

នៅ

ថ្នាក់ដឹកនាំក្រសួងវប្បធម៌ និងវិចិត្រសិល្បៈ បានជួបសំណេះសំណាលជាមួយសិល្បករចាស់ក្មេងជាង១០០នាក់ ដើម្បីស្វែងយល់ពីសុខទុក្ខ និងកិច្ចការពាក់ព័ន្ធនឹងជីវិតសិល្បៈ ក៏ដូចជាផ្តល់ឱកាសឱ្យចែករំលែកបទពិសោធក្នុងវិស័យសិល្បៈនាពេលកន្លងមក ដើម្បីរួមគ្នាថែរក្សានូវតម្លៃ និងសេចក្តីថ្លៃថ្នូររបស់អ្នកសិល្បៈ។

កិច្ចសំណេះសំណាលនេះ ត្រូវបានរៀបចំឡើងកាលពីដើមខែកុម្ភៈ ឆ្នាំ ២០២៥ ដោយមានការចូលរួមពីលោក ទិត ថាវរិទ្ធ រដ្ឋលេខាធិការក្រសួងវប្បធម៌ និងវិចិត្រសិល្បៈ និងលោក ហ៊ឺ វីរៈ តំណាងរាស្ត្រមណ្ឌលកំពង់ឆ្នាំង និងជាប្រធានក្រុមការងារសហភាពសហព័ន្ធយុវជនកម្ពុជាវិស័យវប្បធម៌ និងវិចិត្រសិល្បៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាឱកាសនោះ លោក ទិត ថាវរិទ្ធ បានបង្ហាញនូវមោទនភាពយ៉ាងក្រៃលែងចំពោះបងប្អូនសិល្បករ ដែលតែងតែលះបង់កម្លាំងកាយចិត្ត រួមទាំងធនធានផ្ទាល់ខ្លួន ចូលរួមជាមួយក្រសួងវប្បធម៌លើកិច្ចការវប្បធម៌នាពេលកន្លងមក ដោយពុំដែលគិតអំពីការតបស្នងអ្វីទាំងអស់ ដើម្បីសម្រេចគោលដៅរួម គឺការលើកកម្ពស់វិស័យសិល្បៈវប្បធម៌ជាតិ។ ជាមួយគ្នានេះ លោកបានអំពាវដល់បងប្អូនសិល្បករទាំងអស់ ជាពិសេសសិល្បករជំនាន់ក្រោយ ខិតខំចូលរួមថែរក្សារម្លៃរបស់ខ្លួនឯងក្នុងនាមជាសិល្បករមួយរូប តាមរយៈការស្លៀកពាក់ និងការនិយាយស្ដីជាសាធារណៈឱ្យបានសមរម្យជាដើម។ លោកបញ្ជាក់ថា៖«ព្រោះយើងជាគំរូសម្រាប់អ្នកគាំទ្រផង ហើយក៏ដើម្បីគេចចេញពីការរិះគន់ ឬជេរប្រមាថដោយពាក្យសម្ដីមិនគួរគប្បីមកលើបងប្អូនសិល្បករផងដែរ»។

លោកបញ្ជាក់ថា ការជួបគ្នានៅពេលនេះដើម្បីស្វែងយល់អំពីសុខទុក្ខ ចែករំលែកបទពិសោធ និងស្វែងរកមធ្យោបាយ ដើម្បីបន្តអភិរក្ស និងអភិវឌ្ឍសិល្បៈវប្បធម៌ជាតិបន្ថែមទៀត។

ចំណែកលោក ហ៊ឺ វីរៈ បានកោតសរសើរសារជាថ្មីចំពោះបងប្អូនសិល្បករទាំងអស់ដែលតែងតែចូលរួមជាមួយនឹងក្រសួងវប្បធម៌លើកិច្ចការវប្បធម៌ជាច្រើននាពេលកន្លងមក ជាពិសេសនៅក្នុងអន្តរកាលដែលលោកកាន់តួនាទីជារដ្ឋលេខាធិការក្រសួងវប្បធម៌។ លោកកត់សម្គាល់ថា៖«ចាប់តាំងពីឆ្នាំ២០១៩មក មានបងប្អូនសិល្បករក្រៅប្រព័ន្ធជាច្រើន បានចូលរួមជាមួយនឹងក្រសួងវប្បធម៌ក្នុងដំណើរការរៀបចំព្រឹត្តិការណ៍វប្បធម៌ធំៗទាំងកម្រិតជាតិ និងអន្តរជាតិដូចជាកម្មវិធីរាត្រីចងចាំ និងស្នាមញញឹមនៃកម្ពុជា ជាដើម»។ 

ក្នុងឱកាសនោះ សិល្បករចាស់ក្មេងជាច្រើនរូប ត្រូវបានផ្ដល់ឱកាសឡើងថ្លែងចំណាប់អារម្មណ៍ជុំវិញកិច្ចការងារសិល្បៈក៏ដូចជាបទពិសោធន៍ធ្លាប់បានជួបប្រទះក្នុងអាជីពរបស់ខ្លួននាពេលកន្លងមក។ ជាពិសេសការបង្កលក្ខណៈចូលរួមជាមតិយោបល់នានា សំដៅចូលរួមថែរក្សានូវតម្លៃ និងសេចក្ដីថ្លៃថ្នូរបស់សិល្បករ-សិល្បការិនី ក៏ដូចជាមុខមាត់នៃវិស័យសិល្បៈវប្បធម៌ជាតិទាំងមូល កាត់បន្ថយការរិះគន់ពីស្រទាប់មហាជន និងការផ្លាស់ប្ដូរយោបល់អំពីការយ៉ាងណាដើម្បីឱ្យសិល្បៈជាតិយើងកាន់តែមានការរីកចម្រើន ព្រមទាំងលើកឡើងជាសំណូមពរទៅកាន់ក្រសួងវប្បធម៌ និងវិចិត្រសិល្បៈផងដែរ។

តាមរយៈកិច្ចសំណេះសំណាលនេះ ក៏មានការប្រគល់ប័ណ្ណថ្លែងអំណរគុណជូនដល់សិល្បករ សិល្បការិនី និងក្រុមការងារដែលបានចូលរួមជាមួយនឹងក្រសួងវប្បធម៌នាពេលកន្លងមក ព្រមទាំងពិសារអាហារសាមគ្គីប្រកបដោយភាពសប្បាយរីករាយ។ ចំពោះសិល្បកររៀមច្បងដែលមានវ័យចាប់៦០ឆ្នាំឡើង ក៏ទទួលបានថវិកាឧបត្ថមក្នុងម្នាក់២០ម៉ឺនរៀលផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទីutes មុន

១៨មីនា កាលពី៥៥ឆ្នាំមុន ឯកឧត្តម ហ៊ុន ម៉ានី ថា ជាមេរៀនប្រវត្តិសាស្រ្តដាស់កូនខ្មែរឱ្យស្គាល់ពីភាពផុយស្រួយនៃសន្តិភាព

សេចក្ដីជូនដំណឹង១០ នាទីutes មុន

Smart Axiata និង Huawei ចុះអនុស្សារណៈ សហការអភិវឌ្ឍដំណោះស្រាយឌីជីថល ដើម្បីគាំទ្រអាជីវកម្ម និងឧស្សាហកម្មក្នុងស្រុក

ព័ត៌មានអន្ដរជាតិ១១ នាទីutes មុន

ចំណាប់ខ្មាំង​អ៊ីស្រាអែល៖ ហាម៉ាសបន្ត​​ជីក​រូង​ក្រោម​ដីមិន​លោះ​សូម្បីតែ​មួយ​ថ្ងៃ

សេចក្ដីជូនដំណឹង២០ នាទីutes មុន

មិនគួរឱ្យជឿ! គ្រុឌ​ផ្លាស់ប្ដូរជីវិតអ្នកស្រុករមាសហែក! ទើប​បញ្ចេញ​រង្វាន់​ធំ (១០០​លាន​រៀល ៥០​លាន ២០​លាន) ថ្ងៃ​មុន​សោះ បងស្រី​កសិករ​កម្សត់​ក្លាយ​ជា​ម្ចាស់​សំណាង ២០​លាន​រៀល

ជីវិតកម្សាន្ដ៣៤ នាទីutes មុន

អតីតបុគ្គលិកថា Seo Ye Ji ជាជនរងគ្រោះដែលប្រើជាខែល ហើយ Kim Sae Ron ក៏ដឹងរឿងរសើបនោះដែរ

ធនាគារឯកជន
សន្តិសុខសង្គម២០ ម៉ោង មុន

ឃាត់ខ្លួនមនុស្ស៥នាក់ពាក់ព័ន្ធករណីលួចលុយពីធនាគារឯកជនមួយក្នុងទំហំទឹកប្រាក់ខ្ទង់លានដុល្លារ

ព័ត៌មានអន្ដរជាតិ២៣ ម៉ោង មុន

សមាជិក​សភាបារាំង ទាមទារ​ឲ្យ​អាមេរិក​ប្រគល់​រូប​សំណាក​សេរីភាព​មកវិញ

ក្រុងបាត់ដំបង
សន្តិសុខសង្គម៣ ម៉ោង មុន

នគរបាលស្រុកគាស់ក្រឡ ឃាត់ខ្លួនមន្ត្រីសាលាក្រុងបាត់ដំបងម្នាក់ ពាក់ព័ន្ធករណីចោរកម្ម

ព័ត៌មានអន្ដរជាតិ២ ម៉ោង មុន

អាមេរិក ឆ្លើយតបចុកៗ ទៅអ្នកនយោបាយបារាំង​ ដែលទាមទារ​ឲ្យ​​ប្រគល់​រូប​សំណាក​សេរីភាព​មកវិញ

ព័ត៌មានអន្ដរជាតិ២០ ម៉ោង មុន

អ៊ុយក្រែន ធ្វើតេស្តជោគជ័យ នូវមីស៊ីលដ៏ខ្លាំង ដែលអាចបាញ់ដល់មូស្គូ និងត្រៀមដាក់ប្រយុទ្ធលើសមរភូមិ

Sokha Hotels

ព័ត៌មានពេញនិយម