បែកធ្លាយរូបថតច្រើនសន្លឹករបស់ Jennie និង​ V សង្ស័យមានគេលួចចូល iCloud

រូបថតជាច្រើនសន្លឹក​​របស់ Jennie សមាជិក​ក្រុម BLACKPINK និង V សមាជិកក្រុម BTS ត្រូវ​បាន​គេ​ផ្សព្វផ្សាយ​ជា​ថ្មី​ម្តង​ទៀត ពាសពេញ​លើ​អ៊ីនធឺណិត សុទ្ធសឹងជារូបដែលមហាជនមិនធ្លាប់ឃើញពីមុនមក ស្របពេលអ្នកគាំទ្រសង្ស័យថា អាចមានមនុស្ស Hack ចូល iCloud របស់តារាទាំងពីរ។

កាលពីពេលកន្លងទៅរូបថតរបស់តារា K-pop ទាំងពីរនេះ ធ្លាប់បែកធ្លាយជាច្រើនដងមកហើយ ប៉ុន្តែកាលណោះហ្វេនបានរកឃើញថា វាសុទ្ធតែជារូបកាត់តដោយ Photoshop។ ស្រដៀងគ្នាទៅនឹងករណីមុនដែរ លើកនេះហ្វេនព្យាយាមស្វែងរកចំណុចកាត់ត ឬកែកុន ប៉ុន្តែរកមិនឃើញស្លាកស្នាមកាត់តឡើយ ទើបគេជឿជាក់ថា រូបថតបែកធ្លាយចុងក្រោយនេះ ជារូបថតពិតទាំងអស់។

តាមរយៈរូបថតទាំងនោះ គេប្រទះឃើញ Jennie  និង​ V មានភាពស្និទ្ធស្នាលគ្នាខ្លាំង ​ដែលអាចបញ្ជាក់បានថា ពាក្យចចាមអារ៉ាមពាក់ព័ន្ធទំនាក់ទំនងស្នេហារបស់ពួកគេ​អាចជារឿងពិត។ ទោះយ៉ាងណា ពេលនេះទីភ្នាក់ងារ ​YG Entertainment និង HYBE មិនទាន់ធ្វើសេចក្តីថ្លែងការណ៍អំពីរូបថតជាច្រើនសន្លឹកដែលកំពុងបង្កឱ្យមានពាក្យចចាមអារ៉ាមស្នេហារវាង Jennie និង​ V នៅឡើយ៕

ប្រែសម្រួល៖ សន្យា

ចុចអាន៖ កូរ៉េខាងត្បូង ពិចារណាលើកាតព្វកិច្ចយោធារបស់ក្រុម BTS

ចុចអាន៖ តារា K-pop ៥រូប អ្នកជំនាញអន្តរជាតិសរសើរថាជាស្រីស្អាតលំដាប់ពិភពលោក