ជីវិតកម្សាន្ដ
តារា K-pop ៥រូប អ្នកជំនាញអន្តរជាតិសរសើរថាជាស្រីស្អាតលំដាប់ពិភពលោក
តារាស្រីកូរ៉េខាងត្បូង ៥ រូប ត្រូវបានអ្នកជំនាញអន្តរជាតិទទួលស្គាល់ថាមានសម្រស់ស្រស់ស្អាតដាច់គេប្រចាំប្រទេស ព្រមទាំងបោះឆ្នោតឱ្យជាប់ចំណាត់ថ្នាក់ជាស្ត្រីមានមុខមាត់ស្អាតបំផុតនៅលើពិភពលោកថែមទៀតផង។
NaNa
Nana ជាតារាស្រីដំបូងគេដែលតំណាងឱ្យ showbiz របស់កូរ៉េ នៅក្នុងការស្ទង់មតិ និងចំណាត់ថ្នាក់សម្រស់តាមអ៊ីនធឺណិតអន្តរជាតិ។ នាងបានយកឈ្នះលើតារាល្បីៗជាច្រើន និងធ្លាប់ឈ្នះតំណែង The Most Beautiful Face in the World ២ឆ្នាំជាប់ៗគ្នា គឺកំលុងឆ្នាំ២០១៤-២០១៥ ដោយ TC Candler ដែលជាគេហទំព័រជំនាញលើការវាយតម្លៃសម្រស់ដ៏ល្បីល្បាញរបស់អាមេរិក។ គួរកត់សម្គាល់ថាចំណាត់ថ្នាក់នេះមិនត្រឹមតែផ្អែកលើប្រជាប្រិយភាពប៉ុណ្ណោះទេ ប៉ុន្តែវាត្រូវបានបោះឆ្នោត និងវាយតម្លៃដោយចៅក្រមជំនាញចំនួន ២០នាក់ មកពីជុំវិញពិភពលោកផងដែរ។
Yoona (SNSD)
ស្រីស្អាតរូបនេះ ធ្លាប់បានជាប់ចំណាត់ថ្នាក់ជាកំពូលស្ត្រីស្អាតបំផុតទាំង ១០០ នៅលើពិភពលោក ក្នុងឆ្នាំ ២០១៩។ ដោយសារសម្រស់ដ៏ស្រស់ស្អាតពីធម្មជាតិ Yoona ត្រូវបានប្រគល់រង្វាន់ដោយគ្រូពេទ្យវះកាត់កែសម្ផស្សចំនួន ៣ នាក់ នៅទីក្រុង Los Angeles ។
ទោះបីជាបានបង្ហាញខ្លួន នៅក្នុងឧស្សាហកម្មកម្សាន្ត Kpop អស់រយៈពេលជាងមួយទស្សវត្សមកហើយក៏ដោយ ប៉ុន្តែសម្រស់របស់ Yoona មិនថមថយ ថែមកាន់តែល្បីទ្វេឡើង។
Tzuyu (TWICE)
ប្អូនស្រីពៅរបស់ក្រុមចម្រៀងនារី TWICE គឺ Tzuyu បានបំបែកកំណត់ត្រារបស់តារា Kpop រយៈពេល ៤ ឆ្នាំ នៅក្នុងតារាងសម្រស់របស់ TC Candler ។ ជាពិសេស តារាស្រីវ័យ ២៣ឆ្នាំរូបនេះ ធ្លាប់ទទួលបានចំណាត់ថ្នាក់លេខ ១ ជានារីមុខស្អាតបំផុតនៅលើពិភពលោក កាលពីឆ្នាំ ២០១៩។
ថ្វីត្បិតនាងមានដើមកំណើតមកពីកោះតៃវ៉ាន់ក៏ដោយ ក៏ Tzuyu ត្រូវសាធារណៈជនស្រឡាញ់គាំទ្រទាំងក្នុង និងក្រៅប្រទេស។ គ្រាន់តែបង្ហាញខ្លួនលើកដំបូង ក្នុងនាមជាសមាជិកក្មេងជាងគេរបស់ TWICE ភ្លាម នាងក៏ជាប់ចំណាត់ថ្នាក់ទី ១៣ នៅក្នុងបញ្ជីនៃ Top 100 Most Beautiful Faces in the World 2015 ភ្លែតតែម្ដង ។
Jisoo (BLACKPINK)
Jisoo ត្រូវបានបោះឆ្នោតជ្រើសរើសជាស្ត្រីស្អាតបំផុតនៅលើពិភពលោកឆ្នាំ២០២២ ដោយទស្សនាវដ្តី Nubia ។ ក្រោយពីជាប់ចំណាត់ថ្នាក់កំពូលភ្លាម វិញ្ញាបនបត្រ Top 1 ក៏ត្រូវបានបញ្ជូនដោយផ្ទាល់ទៅទីភ្នាក់ងារផលិតកម្ម YG Entertainment ភ្លាមដែរ។
មុនពេល Jisoo ជាប់ឈ្មោះជាកំពូលស្រីស្អាត ទស្សនាវដ្តី Nubia បានចំណាយពេលស្ទង់មតិរយៈពេល ៥ ខែ នៅក្នុង ១១៦ ប្រទេស ជុំវិញពិភពលោក។ បន្ទាប់ពីនោះ តារាវ័យ ២៧ឆ្នាំរូបនេះ បានក្លាយជាអ្នកកាន់តំណែងខ្ពស់បំផុតនៃតារាងកំពូលស្រីស្អាតជាមួយនឹងសំឡេងឆ្នោតចំនួនកន្លះលាននាក់។
Lisa (BLACKPINK)
កាលពីឆ្នាំ ២០២១ Lisa បានដើរតាមគន្លងរបស់ Tzuyu ដោយបានឈ្នះពានរង្វាន់នារីមុខស្អាតបំផុតរបស់ពិភពលោកប្រចាំឆ្នាំ ដែលបោះឆ្នោតដោយ TC Candler ។
សម្រស់របស់ Lisa ត្រូវបានអ្នកគាំទ្រ និងអ្នកជំនាញ ប្រដូចទៅនឹងព្រះនាងម្ចាស់ក្នុងរឿងព្រេង ហើយដោយសារសម្រស់ប្រៀបបានព្រះនាងក្នុងព្រេងនិទាននេះហើយ ទើបកន្លងមកនាងធ្លាប់បង្ហាញខ្លួនក្នុងតារាងស្រីស្អាតរហូតដល់ ៦ ដងឯណោះ។
តើប្រិយមិត្តសយល់យ៉ាងណាចំពោះចំណាត់ថ្នាក់ស្រីទាំង ៥ ខាងលើ? សូមចែករំលែកជាមួយ កម្ពុជាថ្មី!
ប្រែសម្រួល៖ សន្យា
ចុចអាន៖ តារាកូរ៉េ ៥រូប អ្នកគាំទ្រដាក់រហ័ស្សនាមប្លែកៗ គួរឱ្យចាប់អារម្មណ៍ណាស់
ចុចអាន៖ កំពូលស្រីស្អាតប្រុសសង្ហា ឆ្នាំនេះ បានទៅលើ BTS និង BLACKPINK ច្រើនជាងគេ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង