តារា​កូរ៉េ ៧រូប កើតមកជាកូនអភិជន មានទ្រព្យស្ដុកស្ដម្ភលំដាប់ប្រទេស

តារាប្រុសស្រីក្នុងវិស័យ Kpop ចំនួន ៧រូប មានសំណាងកើតមកជាកូនអ្នកមានទ្រព្យស្តុកស្ដម្ភតាំងពីកំណើត ដែលនេះធ្វើឱ្យជីវិតពួកគេរស់នៅក្នុងភាពប្រណីតខ្លាំង គួរឱ្យច្រណែន។ តារាទាំង ៧រូបនោះគឺ៖

Siwon សមាជិក Super Junior

តារាប្រុស Siwon មិនធ្លាប់អួតពីប្រវត្តិគ្រួសាររបស់ខ្លួនឡើយ ប៉ុន្តែគេបានដឹងថា តារា Kpop រូបនេះ គឺជាអ្នកស្នងមរតកពីហាងទំនិញដ៏ធំមួយនៅក្នុងប្រទេសកូរ៉េ។

Jennie សមាជិក BLACKPINK

Jennie ជាកូនស្រីរបស់លោកនាយកមន្ទីរពេទ្យធំមួយ ហើយម្តាយរបស់នាងគឺជាម្ចាស់ភាគហ៊ុនដ៏សំខាន់នៃក្រុមហ៊ុនកម្សាន្តដ៏ពេញនិយមនៅក្នុងប្រទេស។

Tzuyu សមាជិក TWICE

សមាជិកក្មេងជាងគេនៃក្រុម TWICE រូបនេះធំធាត់ឡើងនៅក្នុងគ្រួសារអ្នកជំនួញដ៏ល្បីល្បាញនៅកោះតៃវ៉ាន់។

Nickhun សមាជិក 2PM

Nichkhun រស់នៅក្នុងវណ្ណៈអភិជនតាំងពីកើតមកម្ល៉េះ។ គ្រួសាររបស់ Nichkhun មានផ្ទះនៅប្រទេសថៃ ប៉ុន្តែលោកកើតនៅសហរដ្ឋអាមេរិក និងបានចូលរៀននៅក្នុងប្រទេសនូវែលសេឡង់។ សមាជិក 2PM រូបនេះមានម្ដាយជានាយកប្រតិបត្តិក្រុមហ៊ុនឱសថដ៏ធំលំដាប់ប្រទេស។

Sooyoung សមាជិក SNSD

ខុសពីតារាជាច្រើនដែលមានអតីតកាលកម្សត់ៗ Sooyoung រស់នៅយ៉ាងប្រណីតតាំងពីកុមារភាព ដោយសារតែគ្រួសាររបស់នាងជោគជ័យក្នុងវិស័យជំនួញ។ ជីតារបស់តារាស្រីរូបនេះជានាយកប្រតិបត្តិនៃក្រុមហ៊ុនស្ថាបត្យកម្មដ៏ល្បីល្បាញមួយនៅកូរ៉េ។ ចំណែកឪពុកម្តាយរបស់តារាសមាជិក Girls’ Generation រូបនេះ ​មាន​អចលន​ទ្រព្យ​ដ៏មហាសាល។

Mark សមាជិក GOT7

ឪពុករបស់ Mark ជាអ្នកជំនួញម្នាក់ បើទោះបីជាពេលនេះគាត់ចូលនិវត្តន៍ក៏ដោយ ក៏គាត់នៅតែជាម្ចាស់អចលនទ្រព្យជាច្រើននៅក្នុងទីក្រុង Los Angeles ។

Umji សមាជិក VIVIZ

ចំពោះ Umji ​វិញ នាងជា​កូន​ស្រី​របស់​កំពូល​គ្រូពេទ្យ​វះកាត់​ដ៏​ល្បី​របស់​កូរ៉េ៕

ប្រែសម្រួល៖ សន្យា

ចុចអាន៖ មិនធ្លាប់ដឹងសោះ ក្រៅពីច្រៀង តារាកូរ៉េ ៥រូបនេះ ជា CEO ក្រុមហ៊ុនកម្សាន្តផ្ទាល់ខ្លួនទៀត

ចុចអាន៖ MV បទចម្រៀងថ្មីរបស់ BLACKPINK រងការចោទប្រកាន់ថា លួចចម្លងរបស់គេ