ជីវិតកម្សាន្ដ

គូស្នេហ៍សិល្បៈ ៦ គូ ប្រកាសបែកបាក់គ្នានៅក្នុងឆ្នាំ២០២២

បានផុស

១ year មុន

នៅ

ថ្ងៃអង្គារ ២៧ កញ្ញា ២០២២

ដោយ

ឆ្នាំ២០២២ ឃើញថា តារាសិល្បៈជាច្រើនគូបានប្រកាសចែកផ្លូវគ្នាជាសាធារណៈ ទោះបីគូស្នេហ៍ខ្លះបង្ហាញក្តីស្រលាញ់រហូតចាប់ដៃគ្នាចូលរោងអាពាហ៍ពិពាហ៍ដឹងឮពីញាតិមិត្តជិតឆ្ងាយ និងមានកូនជាចំណងស្នេហ៍ក៏ដោយ។

១.នាយចឺម និងអ្នកនាងសេង សុខីម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទំនាក់ទំនងស្នេហារវាងតារាចម្រៀងប្រុសនាយចឺម និងតារាសម្ដែងពន្លកថ្មីអ្នកនាងសេង សុខីម បានឈានដល់ផ្លូវបំបែក។ ការប្រកាសបែកពីនាយចឺម អ្នកមេម៉ាយកូនមួយរូបនេះបានប្រកាសថា ដោយសារមានពាក់ព័ន្ធជនទី ៣។

២. អ្នកនាងពេជ្រ សូលីកា និងស្វាមី

តារាចម្រៀងស្រីដែលមានទឹកដមផ្អែមស្រទន់ អ្នកនាង ពេជ្រ សូលីកា បានប្រកាសចែកផ្លូវគ្នាជាមួយស្វាមី ដោយបន្សល់ទុកកូនមួយជាចំណងដៃ។ ទោះបីសម្រេចចិត្តចែកផ្លូវគ្នា ពួកគេទាំងពីរនៅតែបន្តរាប់អានគ្នា និងធ្វើជាអាណាព្យាបាលទទួលខុសត្រូវចំពោះកូនប្រុសដូចដើម។

៣.តារាកំប្លែងនាងខ្ញុង និងនាយកៃដរ

ធ្លាប់តែមហាជនបានដឹងអំពីស្នេហាតារាកំប្លែងនាងខ្ញុង និងនាយកៃដរ ដែលមើលទៅហាក់មានសុភមង្គលជាមួយគ្នា ស្រាប់តែនាង ខ្ញុង ប្រកាសនៅលើហ្វេសប៊ុកចែកផ្លូវគ្នានឹងស្វាមី នាយ កៃដរ ក្រោមហេតុផលអាក់អន់ស្រពន់ចិត្តជាមួយគ្នា។

តារាកំប្លែងស្រីរូបនេះអះអាងថា “គ្មានអ្នកណាចង់បែកបាក់គ្រួសារនោះទេ។ ជីវិតមនុស្សម្នាក់ៗ គ្រួសារនីមួយៗមិនដូចគ្នាទេ បើមិនទាន់ធ្លាក់លើគ្រួសារអ្នកសូមកុំសើចខ្ញុំ”។

៤.តារាសម្ដែងស្រីអ្នកនាង លី ម៉ារីណា និងស្វាមី

កាលពីយប់ថ្ងៃទី ១៧ ខែកុម្ភៈ ឆ្នាំ ២០២២ តារាសម្ដែងស្រី អ្នកនាង លី ម៉ារីណា បានប្រកាសអ្នកនាង និង ស្វាមីឈ្មោះ សាត ចាន់ថន បានបញ្ចប់ឈ្មោះជាប្តីប្រពន្ធគ្នា ក្រោយចំណាយពេលរស់នៅជាមួយគ្នាអស់រយៈពេលជាង ១០ ឆ្នាំ។

ប្រកាសចែកផ្លូវពីស្វាមី តារាសម្ដែងស្រី លី ម៉ារីណា បានប្រាប់ពីមូលហេតុមកពីរស់នៅមិនចុះសម្រុងនឹងគ្នា។ អ្នកនាងក៏បានបញ្ជាក់ថា អ្នកនាងបែកគ្នាដោយសន្តិវិធី និងនៅតែរាប់អានគ្នាជាមួយអតីតស្វាមីដដែល។

៥.តារាចម្រៀងពេជ្រ សោភា និងឆឹម កក្កដា

ទំនាក់ទំនងស្នេហារវាងតារាសម្តែងប្រុសលោក ឆឹម សក្កដា ជាមួយតារាចម្រៀងស្រី ពេជ្រ សោភា បានដើរដល់ផ្លូវបំបែក។ អ្នកគាំទ្រមានការសោកស្ដាយបំផុតពោះអនុស្សាវរីយ៍ជាច្រើនឆ្នាំរបស់អ្នកទាំងពីរ។

លោក ឆឹម សក្កដា បាននិយាយថា ទោះបីបែកគ្នា មិនអាចជាគូស្នេហ៍ ជាមិត្តក៏ល្អដែរ។

៦.តារាសម្ដែង ផេក ខេក

ទំនាក់ទំនងស្នេហាដ៏ផ្អែមល្ហែមរយៈពេល៦ឆ្នាំ របស់ផេន ខេក និងស្វាមីក្រោយពេលដឹកដៃគ្នាចូលរោងការមិនដល់កន្លះខែផង ស្រាប់តែបានប្រកាសចែកផ្លូវគ្នាជាសាធារណៈកាលពីថ្ងៃទី១៨ ខែមេសា ឆ្នាំ២០២២ កន្លងទៅនេះ ដោយបានបង្ហើបថាការបែកបាក់នេះក្រោយមានវត្តមានជនទី៣៕