ជីវិតកម្សាន្ដ

តារាភាពយន្តជើងចាស់ យស បូវណ្ណៈ ស្នើកូនខ្មែរចូលរួមថែរក្សាតម្លៃសិល្បៈវប្បធម៌ជាតិ

បានផុស

២ years មុន

នៅ

ថ្ងៃសុក្រ ១៩ មករា ២០២៤

ដោយ

អតីតតារាភាពយន្តជើងចាស់ល្បីឈ្មោះ លោក យស បូវណ្ណៈ បានចេញមុខស្នើដល់កូនខ្មែរជួយពិចារណា និងចូលរួមថែរក្សា ការពារ អភិរក្សទាំងអស់គ្នា និងជួយលើកតម្លៃសិល្បៈវប្បធម៌ជាតិខ្មែរ ខណៈបច្ចុប្បន្នគេសង្កតឃើញថា សិល្បៈបុរាណខ្មែរហាក់នៅមានគម្លាតឆ្ងាយខ្លាំងពីសិល្បៈសម័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យស បូវណ្ណៈ បានបង្ហោះខ្លឹមសារនៅលើបណ្ដាញសង្គមហ្វេសប៊ុកថា «វប្បធម៌រលត់ជាតិរលាយ វប្បធម៌ពណ្ណរាយ ជាតិថ្កើងថ្កាន នេះជាពាក្យពេជ្រដូនតាខ្មែរយើងផ្ដែផ្ដាំ ខ្ញុំបាទ យស បូវណ្ណៈ ជាទីប្រឹក្សារបស់ក្រសួងវប្បធម៌ និងវិចិត្រសិល្បៈមួយរូប ទទួលបន្ទុកក្រៅប្រទេសក្នុងរដ្ឋកាលីហ្វ័រញ៉ាសហរដ្ឋអាមេរិក សូមកូន ខ្មែរជួយពិចារណា និងចូលរួមថែរក្សា ការពារ អភិរក្សទាំងអស់គ្នា និងជួយលើកតម្លៃ សិល្បៈ វប្បធម៌ជាតិខ្មែរយើងផង កុំតថ្លៃអី្វ»។

លោក យស បូវណ្ណ: បញ្ជាក់ថា ថ្វីត្បិតសម្ដែងត្រឹម៣ ០នាទីឬ១០នាទីក្តីតែត្រូវរៀបចំខ្លួន និងសំលៀកបំពាក់អស់ រយៈពេលពេញមួយថ្ងៃដើម្បីគ្រងគ្រឿង និងមកុដដ៏ធ្ងន់នេះខ្ញុំបាទ យស បូវណ្ណៈ បម្រើលើវិស័យសិល្បៈ វប្បធម៌ខ្មែរ តាំងពីឆ្នាំ១៩៨០ រហូតមកដល់បច្ចុប្បន្នកាលនេះរួមទាំងវិស័យភាពយន្តខ្មែរយើងផងដែរហើយក៏បន្តបណ្ដុះបណ្ដាលសិល្បៈវប្បធម៌ខ្មែរដល់កូនៗខ្ញុំទាំង ៣ នាក់ ក្លាយជានាដការិនី និងឧត្តមភរិយាខ្ញុំ និងកូនខ្មែរយើងនៅឯនាយសមុទ្រក្នុងរដ្ឋកាលីហ្វ័រញ៉ាសហរដ្ឋអាមេរិក ។

លោក យស បូវណ្ណៈ បានបន្ថែមថា គោលបំណងដើម្បីចូលរួមបម្រើក្នុងសង្គម និងបង្ហាញអំពីអត្តសញ្ញាណខ្មែរ យើងពិតប្រាកដដល់ជនបរទេសឲ្យគេបានស្គាល់យល់គោរពស្រឡាញ់នូវលើខឿនសិល្បៈវប្បធម៌ខ្មែរដែលសម្បូរបែបរបស់ដូនតាខ្មែរដែលលោកបានបន្សល់ទុកមកឲ្យយើងកូនខ្មែរគ្រប់ៗគ្នា។ សូមអរព្រះគុណ និងសូមអរគុណដោយក្តីគោរពរាប់អាន និងថ្លៃថ្នូរ។

គេចាំបានថាលោក យស បូវណ្ណៈ ក៏ធ្លាប់បញ្ជាក់កន្លងមកដែរថា ដើម្បីផ្សព្វផ្សាយសិល្បៈវប្បធម៌ជាតិខ្មែរយើងទោះជាហត់នឿយពីការងារស្នូលយ៉ាងណាក៏ដោយក៏ក្រុមគ្រួសារលោកស៊ូខំប្រឹងបង្ហាញឲ្យបរទេសបានស្គាល់អំពីអត្តសញ្ញាណសិល្បៈវប្បធម៌ខ្មែរដ៏សម្បូរបែប របស់ខ្មែរយើងផងដែរ៕

អត្ថបទ៖ ចាន់រ៉ា