សាយ បំផុសឱ្យចូលរួមលើកស្ទួយសិល្បៈ​របាំសហសម័យបង្កើតថ្មី”របាំខ្មែរជួយខ្មែរ”

តារាចម្រៀង Original Song លោក អ៊ួន បឋ ម ហៅ សាយ ត្រូវបានមហាជនអ្នកគាំទ្រចាត់ទុកថា លោកជាសិល្បករខ្មែរមួយរូប ដែលលេចធ្លោតាមរយ: កិច្ចការងារចូលរួមសង្គមពិសេសគឺការបង្កើតកម្មវិធីរត់ ដើម្បីប្រមូលថវិកាជួនដល់មន្ទីរពេទ្យគន្ធបុប្ផា និងមន្ទីរពេទ្យកុមារអង្គរជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពរបស់ សាយ តែងទទួលបានការគាំទ្រ និងសរសើរជាខ្លាំងពីមហាជនគ្រប់មជ្ឈដ្ឋានក្នុងការសង្គមក្នុងនោះ សាយ ក៏ត្រូវបានលើកឡើងថាលោកជាបុគ្គលគំរូបមួយរូបផងដែរ។កាន់តែចាប់អារម្មណ៍ថែមទៀតថ្មីៗនេះ សាយ បានបញ្ចេញស្នាដៃបទចម្រៀងថ្មីមានចំណងជើងថា”របាំខ្មែរជួយខ្មែរ”ដោយលោកចាត់ទុកថា ជារបាំសហសម័យ​ដំឡើងថ្មី។

ជាមួយគ្នានេះ សាយ បានអំពាវនាវឲ្យចូលរួមគាំទ្រនិងលើកស្ទួយរបាំសហសម័យដំឡើងថ្មីកម្ពុជាផងដែរ ក្នុងនោះ សាយ លើកឡើងថា “សូមចូលរួមលើកស្ទួយ សិល្បៈរបាំសហសម័យបង្កើតថ្មីកម្ពុជាទាំងអស់គ្នា ” ។ លោក សាយ បញ្ជាក់ថា “របាំខ្មែរជួយខ្មែរ” គឺជារបាំសហសម័យដំឡើងថ្មី ដោយអ្នក គ្រូ ជុំវណ្ណ សូដាជីវី (អ្នកដំឡើងស្នាដៃ​របាំនិងសិល្បករ)ដែលជាតួឯករាំនៅកណ្ដាល ហើយរបាំទាំងមូលចូលរួមរាំដោយសមា ជិកនៃក្រុមរបាំសហសម័យ SilverBelle។

លោក សាយ និយាយទៀតថា របាំមួយនេះមាននៅក្នុងវីដេអូចម្រៀងផ្លូវការបទ”ខ្មែរជួយខ្មែរ” ដើម្បីជាផ្នែកមួយ​នៃការអបអរសាទរខួបអនុស្សាវរីយ៍លើក ទី៧០ បុណ្យឯករាជ្យជាតិនៃព្រះរាជាណាចក្រកម្ពុជាដែលវីដេអូរបាំនេះ ផលិតដោយក្រុមការងារ RUN WITH SAI៕

អត្ថបទ៖ ចាន់រ៉ា