ជីវិតកម្សាន្ដ
ប៊ី សុធារី ចេញមកនិយាយចំៗ ក្រោយឮថាការដាក់ពាក្យដើរម៉ូដត្រូវបង់ប្រាក់ជាមុន
ក្រោយពីមានលេចឮដំណឹងថា ការដាក់ពាក្យចូលcasting (ការសម្តែង) តម្រូវឲ្យបង់ប្រាក់ជាមុននោះ គេឃើញអតីតបវរកញ្ញាចក្រវាលកម្ពុជាឆ្នាំ២០១៧ កញ្ញា ប៊ី សុធារី បានសម្តែងការហួសចិត្តខ្លាំងជុំវិញព័ត៌មានមួយនេះ។ ម្យ៉ាងទៀតនាងបានបញ្ជាក់ថា ខ្លួនពុំធ្លាប់ជួបរឿងបែបនេះពីមុនមកទេ ពោលគឺចាប់តាំងពីប្រឡូកក្នុងវិស័យនេះប្រមាណជា១០ឆ្នាំមកហើយ។
ទន្ទឹមគ្នានេះដែរស្រីស្អាត ប៊ី សុធារី ក៏បានធ្វើការបំផុស និងដាស់តឿនទៅដល់បងប្អូនដែលស្រលាញ់វិស័យបង្ហាញម៉ូដជំនាន់ក្រោយៗឲ្យត្រូវគិតពិចារណាដើម្បីកុំអោយចាញ់បោកគេខាតទាំងលុយខាតទាំងកំលាំង និងពេលវាលាដោយហេតុថា គោលការណ៍បង់លុយនេះ គឺមិនមានឡើយទាំងនៅក្នុងស្រុក និងក្រៅស្រុក។
បវរកញ្ញា ប៊ី សុធារី បានលើកឡើងជាយោបល់បែបនេះថា តាំងពីធ្វើតារ៉ាម៉ូឌែល១០ឆ្នាំមកនេះ មិនដែលចេះទៅcasting កម្មវិធីណាអស់លុយទេ មានតែជាប់ហើយដើរម៉ូដបានលុយទៀត ឮគេថាឥឡូវមានកម្មវិធីcasting ត្រូវទិញពាក្យបង់លុយ.like what? ត្រូវចំណាយទាំងកំលាំង ចំណាយទាំងពេលវាលា ហើយមិនដឹងថា ជាប់អត់ផងហើយត្រូវអស់លុយទៀត? ។
ប៊ី សុធារី បន្តទៀតថា ចាំណាបងប្អូនស្រលាញ់វិស័យបង្ហាញម៉ូដសូម្បីស្រុកគេក៏មិនមានដែរអារបៀបcastingអស់លុយនឹង បំណងល្អពីខ្ញុំ ព្រោះខ្ញុំធ្លាប់ឆ្លងកាត់ និងមានបទពិសោធ៍មកច្រើនឆ្នាំហើយ មិនថាដើរក្នុងស្រុកឬក្រៅស្រុកខ្ញុំមិនដែលអស់លុយមួយកាក់មួយសេនថ្លៃcastingទេ មានតែបានលុយមកវិញ ករណីដើរម៉ូដអត់បានលុយមានតែដើរ volunteer ក្នុងកម្មវិធីសប្បុរធម៌ ឬស្ម័គ្រចិត្តដើរព្រោះខាងកម្មវិធីគេបានប្រាប់មុនថា មិនមានbudged ។
កញ្ញា ប៊ី សុធារី និយាយថា អានហើយគិតពិចារណាទៅ កុំអោយខាតទាំងលុយ ខាតទាំងកំលាំង និងពេលវាលា។ នាងបញ្ជាក់បន្ថែមថា និយាយនេះមិនចង់មានបញ្ហាជាមួយអ្នកណាទេ តែឮហើយវាហួសចិត្តខ្លាចប្អូនៗដែរស្រលាញ់ចូលចិត្តវិស័យនេះត្រូវបានខាតបង់ព្រោះបងគ្មានប្រវត្តិcasting ដើរម៉ូដអស់លុយទេ ១០ឆ្នាំមកនេះបើមិនជឿទៅសួររៀមច្បងModel ផ្សេងទៀតក៏បានណា៕
អត្ថបទ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ