ជីវិតកម្សាន្ដ
ពេជ្រ ចរណៃ ចេញមកបញ្ជាក់ច្បាស់ៗ ក្រោយមានការរិះគន់រឿងហាត់គុនល្បុក្កតោខ្មែរ
ក្រោយមានការរិះគន់ពីសំណាក់បុគ្គលខ្មែរមួយចំនួនជុំវិញការហាត់ក្បាច់គុនល្បុក្កតោ តារាសម្ដែង និងជាគ្រូក្បាច់គុនល្បុក្កតោ កញ្ញា ពេជ្រ ចរណៃ បានចេញមុខបកស្រាយ និងបញ្ជាក់ច្បាស់ៗ ទៅកាន់អ្នកគាំទ្រលើករណីនេះ។
តារាសម្ដែងកញ្ញា ពេជ្រ ចរណៃ បង្ហោះសារទាំងហួសចិត្តបែបនេះថា ការលើកឡើងរបស់បងប្អូនមួយចំនួនបានសួរថា ឃើញហាត់ក្បាច់គុនយូរហើយ តែមិនដែលឃើញចូលប្រកួត,បានតែសម្ដែង បើខ្លាំងចូលប្រកួតលើកមុខមាត់ជាតិទៅ? បើខ្លាំងទៅវាយជាមួយអ្នកនេះទៅ វាយជាមួយអ្នកនោះទៅ..ល..។
ត្រង់ចំណុចខាងលើនេះត្រូវបានតារាស្រីកញ្ញា ពេជ្រ ចរណៃ បញ្ជាក់វិញថា ការចូលប្រកួតប្រយុទ្ធ មិនមែនជាមូលហេតុឲ្យខ្ញុំចូលហាត់គុនល្បុក្កតោទេ ហើយការបង្ហាញក្បាច់គុន ក៏ខ្ញុំមិនដែលថាខ្លួនខ្ញុំខ្លាំងអ្វីដែរ ខ្ញុំគ្រាន់តែចង់បង្ហាញទៅប្រទេសដទៃលើពិភពលោកឲ្យបានស្គាល់ពីក្បាច់គុនល្បុក្កតោខ្មែរតាមរយៈវីដេអូដែលខ្ញុំបង្ហាញតែប៉ុណ្ណោះ!។
ពេជ្រ ចរណៃ បន្តថា បំណង និងគោលដៅរបស់ខ្ញុំ គឺផ្សព្វផ្សាយគុនល្បុក្កតោខ្មែរឲ្យគេស្គាល់កាន់តែច្រើន បណ្ដុះធនធាន ពង្រីកសាលាគុន និងចូលរួមជាចំណែកមួយជួយជំរុញក្បាច់គុនល្បុក្កតោចូលជា(សម្បត្តិបេតិកភណ្ឌ)។ ១.ខ្ញុំហាត់ដើម្បីលើកស្ទួយ និងផ្សព្វផ្សាយក្បាច់គុនល្បុក្កតោខ្មែរ ,២.ខ្ញុំ ហាត់ដើម្បីទុកការពារខ្លួន ,៣.ខ្ញុំហាត់ដើម្បីបានសុខភាពល្អ ,៤.តាំងពីខ្ញុំចូលហាត់ក្បាច់គុន ខ្ញុំបានសន្យារួចហើយថា ហាត់ដើម្បីការពារខ្លួន និងជួយអ្នកទន់ខ្សោយ!។
មិនបៀតបៀនគេ មិនធ្វើបាបគេ និងមិនធ្វើឲ្យអ្នកណាទទួលការឈឺចាប់ដោយចេតនារបស់ខ្ញុំឡើយ។ សូមចូលរួមទាំងអស់គ្នាក្នុងការលើកស្ទួយ ផ្សព្វផ្សាយសិល្បៈ វប្បធម៌ មរតកក្បាច់គុនល្បុក្កតោ ខ្មែរទាំងអស់គ្នា។ ពីខ្ញុំ (យុវតីកម្ពុជា) ពេជ្រ ចរណៃ។ នេះជាសម្ដីបន្ថែមរបស់តារាសម្ដែង ពេជ្រ ចរណៃ ទៅកាន់អ្នកគាំទ្រ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ