បទចម្រៀង World Cup របស់ Jungkook ឡើង លើតារាងកំពូលជាច្រើន ក្រោយកូរ៉េឈ្នះលើ ព័រទុយហ្គាល់

បន្ទាប់ពីជ័យជម្នះរបស់ប្រទេសកូរ៉េលើក្រុមព័រទុយហ្គាល់ក្នុងការប្រកួតចុងក្រោយនៃពូល H នៃ FIF A World Cup 2022 កាលពីថ្ងៃសុក្របទ “Dreamers” ដែលជាបទភ្លេង World Cup របស់ Jung kook បានជាប់ចំណាត់ថ្នាក់កំពូល នៅលើតារាងតន្ត្រីស្ទ្រីមច្រើន។

បទ “Dreamers” បានដណ្តើមចំណាត់ថ្នាក់លេខ៥លើ Melon ដែលជាវេទិកាផ្សាយផ្ទាល់ដ៏សំខាន់ មួយនៅក្នុងប្រទេសកូរ៉េនៅម៉ោង ១២:០០ ព្រឹកថ្ងៃអាទិត្យ។ នេះជាលើកទីមួយហើយដែលបទនេះ បានជាប់ចំណាត់ថ្នាក់កំពូលទាំង ៥ នៃតារាងនេះចាប់តាំងពីការចេញផ្សាយនៅថ្ងៃទី ២០ ខែវិច្ឆិកា។

បទចម្រៀងនេះបានឈានចូលដល់កំពូលទាំង ១០ នៅព្រឹកថ្ងៃសៅរ៍ ប៉ុន្មានម៉ោងបន្ទាប់ពីការឈ្នះ ​​​របស់កូរ៉េលើព័រទុយ ហ្គាល់ ដែលបាននាំប្រទេសចូលទៅក្នុងវគ្គជម្រុះ World Cup ជាលើកទីបីក្នុង ប្រវត្តិសាស្ត្របាល់ទាត់របស់ខ្លួន។បទចម្រៀង “Dreamers” ក៏កំពុងបង្កើតរលកនៅលើវេទិកាពីរផ្សេងទៀត Genie និង Bugs នៅលើ Genie បានជាប់ចំណាត់ថ្នាក់ទីប្រាំបីគិតត្រឹមរសៀលថ្ងៃអាទិត្យ។

ជាពិសេសបទ Dreamers បាន​ផលិតដោយ RedOne ដែលជាម្ចាស់ពានរង្វាន់ Grammy ហើយបទ​ចម្រៀង World Cup ដំបូង​គេ​ដែល​បាន​ជាប់​ចំណាត់​ថ្នាក់​លេខ​មួយ​លើ​តារាង Billboard’s Digital Song Sales។

យ៉ាងណាមិញ Jungkook បានសម្តែងបទចម្រៀងក្នុងពិធីបើកការប្រកួត World Cup នៅកីឡដ្ឋាន Al Bayt ក្នុងទីក្រុង Al Khor ប្រទេសកាតា កាលពីថ្ងៃទី ២០ ខែវិច្ឆិកា។ វីដេអូដែលបង្ហាញពីការសម្តែ ងរបស់គាត់បានទាក់ទាញអ្នកទស្សនាជាង ៥០ លានដងនៅលើ YouTube គិតត្រឹមរសៀលថ្ងៃអាទិត្យ៕

ប្រែសម្រួល៖នាងតូច

ចុចអាន៖Rosé បង្ហាញក្តីស្រមៃចង់សហការជាមួយតារាអាមេរិកមួយដួង