ជីវិតកម្សាន្ដ

អ្នកសារព័ត៌មានល្បីម្នាក់ទម្លាយថា Pinky ពិបាករកការងារខ្លាំង ក្រោយចេញពីពន្ធនាគារ

បានផុស

១ ខែ មុន

នៅ

ថ្ងៃអង្គារ ៦ ធ្នូ ២០២២

ដោយ

Tao TV Pool អ្នកសារព័ត៌មានល្បីម្នាក់ទម្លាយថា Pinky Savika មានការងារតឹងតែង ក្រោយដោះលែងឲ្យក្រៅឃុំក្នុងសំណុំរឿង Forex-3D ខណៈថ្មីៗនេះ នាងទើបបានទទួលកម្មវិធីលើកដំបូងនៅឈៀងម៉ៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីតុលាការ បានសម្រេចដោះលែង Pinky Savika ឲ្យមានសេរីភាពក្នុងសំណុំរឿង Forex-3D ភ្លាមៗនោះមហាជនជាច្រើន បានតាមដានចលនារបស់នាងគ្រប់សកម្មភាព ថាតើនាងនឹងចូលសិល្បៈវិញឬអត់? កន្លងមក Anna បានបង្ហើបថា នាងបានទាក់ទងជាមួយ Pee Tae អ្នកគ្រប់គ្រងផ្ទាល់ខ្លួនរបស់ Pinky ហើយទទួលបានចម្លើយថា Pinky នៅតែមិនហ៊ានទទួលយកការងារ មិនហ៊ានធ្វើអ្វីទាំងអស់! មូលហេតុគឺដោយសារតែនាងខ្លាចគេមិនព្រមទទួលយកនាងក្នុងពេលនេះ។

ទើបតែនៅថ្មីៗនេះ មានសេចក្តីរាយការណ៍ថា Tao TV Pool អ្នកកាសែតកម្សាន្តដ៏ល្បីល្បាញមួយរូប បានចេញមកបង្ហោះសារថា “ការងាររបស់នាងហាក់មានភាពតានតឹងណាស់ នាងទើបតែហ៊ានទទួលយកកម្មវិធីដំបូងនៅឈៀងម៉ៃ ប៉ុណ្តោះ”។ ទន្ទឹមនោះ មហាជនជាច្រើនកំពុងរង់ចាំមើល និងចាំលើកទឹកចិត្តតារាស្រីរូបនេះជានិច្ចថា តើនាងនឹងវិលត្រលប់មកវិស័យសិល្បៈដូចមុន ឬយ៉ាងណា?