ជីវិតកម្សាន្ដ

Nadech និង Yaya បង្ហាញភាពផ្អែមល្ហែម ក្នុងកម្មវិធីជួបអ្នកគាំទ្រនៅ ហ្វីលីពីន

បានផុស

៤ years មុន

នៅ

ថ្ងៃអង្គារ ៦ ធ្នូ ២០២២

ដោយ

គូស្នេហ៍ Nadech និង Yaya ទើបតែដឹកដៃគ្នាចូលរួមកម្មវិធីជួបជុំហ្វេន នៅទីក្រុងម៉ានីលប្រទេសហ្វីលីពីន ក្នុងព្រឹត្តិការណ៍នេះអ្នកទាំងពីរទទួលបានការស្វាគមន៍យ៉ាងកក់ក្ដៅពីអ្នកគាំទ្រ តាំងពីចាប់ផ្ដើមដំណើររហូតដល់ចប់កម្មវិធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ តារាសម្ដែង Nadech បានបង្ហោះរូបភាពផ្អែមល្ហែមលើឆាក ជាមួយនឹងពាក្យអរគុណអ្នកគាំទ្រហ្វីលីពីនថា “សូមអរគុណដល់អ្នកគាំទ្រហ្វីលីពីនទាំងអស់ ដែលបានចំណាយពេលដើម្បីជួបពួកយើងទាំងពីរ បន្ទាប់ពីរង់ចាំអស់រយៈពេល៣ ឆ្នាំ ខ្ញុំសង្ឃឹមថាយើងនឹងជួបគ្នាម្តងទៀត ហើយតែងតែមានសំណើច និងស្នាមញញឹមបែបនេះ”។

ដោយឡែកខាង Yaya ក៏បានបង្ហោះការចាប់អារម្មណ៍ដល់អ្នកគាំទ្រហ្វីលីពីនទាំងរូបភាព និងឃ្លិបច្រៀងចម្រៀងផ្អែមល្ហែមជាភាសាអង់គ្លេសថា “មានកិត្តិយសក្នុងការច្រៀងចម្រៀងដ៏ពីរោះនេះ ពេលស្លៀកឈុតប្រពៃណីជនជាតិហ្វីលីពីនដ៏ស្រស់ស្អាតនេះ ”។

យ៉ាងណាមិញ អ្នកគាំទ្រជាច្រើនរួមទាំងហ្វីលីពីន បានថ្លែងអំណរគុណដល់គូស្នេហ៍ទាំងពីរនេះ ដែលបានធ្វើដំណើរដើម្បីនាំមកនូវភាពសប្បាយរីករាយដល់អ្នកគាំទ្រហ្វីលីពីនផងដែរ៕