Jisoo បង្ហាញភាពទាក់ទាញក្នុងទស្សនាវដ្ដី Marie Claire Korea សម្រាប់ឆ្នាំ ២០២៣

Jisoo សមាជិក Blackpink បង្ហាញភាពស្រស់ស្អាតរបស់នាងនៅលើគម្របទស្សនាវដ្តី Marie Claire Korea សម្រាប់ផ្សព្វផ្សាយផលិតផលរបស់ ‘Dior Beauty’ ដែលនឹងត្រៀមចេញផ្សាយនៅខែមករាឆ្នាំក្រោយនេះ។

ថ្មីៗនេះ ទស្សនាវដ្ដី Marie Claire Korea បានប្រកាសថា Jisoo សមាជិកក្រុម Blackpink នឹងក្លាយជាម៉ូដែលដំបូងដែលបង្ហាញមុខនៅលើគម្របទស្សនាវដ្តីរបស់ខ្លួននៅដើមឆ្នាំ ២០២៣ ។ តារាស្រីរូបនេះជាតំណាងឲ្យម៉ាកយីហោ Dior Beauty ដែលនាងធ្វើជាទូតសុឆន្ទៈសកល។

ជាមួយគា្ននេះទស្សនាវដ្ដី Marie Claire Korea បានបង្ហាញរូបថតរបស់ Jisoo ដែលនៅក្នុងនោះនាងបានបង្ហាញពីភាពទាក់ទាញនៃសម្រស់យ៉ាងច្បាស់ជាមួយការតុបតែងខ្លួនបែបសុភាព។ ទន្ទឹមនឹងនោះមានមតិជាច្រើនបានសរសើរ Jisoo ដែលមើលទៅក្មេងជាមួយទម្រង់មុខ មុខរាងវី បូរមាត់រាងបេះដូង ច្រមុះស្រួច និងត្របកភ្នែកពីរជាន់។

យ៉ាងណាមិញ ក្នុងនាមជាទូតសុឆន្ទៈសកលរបស់ម៉ាកយីហោរប្រណិត Dior Jisoo ត្រូវបានគេស្រឡាញ់ខ្លាំង ជាពិសេសពីម៉ាកយីហោម៉ូដប្រណីតរបស់បារាំងមួយនេះ ដោយថ្នាក់ដឹកនាំជាន់ខ្ពស់របស់ Dior ក៏បានមកចូលរួមទស្សនាការប្រគុំតន្ត្រីរបស់ Blackpink ក៏ដូចជាគាំទ្រនាងផងដែរ៕

ប្រែសម្រួល៖នាងតូច

ចុចអាន៖Taeyeon មេក្រុម SNSD ជាប់ឈ្មោះលើបញ្ជី ‘The Best K-Pop ‘ក្នុងទស្សនាវដ្តី TIME