ជីវិតកម្សាន្ដ

ទូច ស្រីល័ក្ខណ៍ មិនអាចរស់នៅដោយខ្វះភាពកក់ក្ដៅពីកូនប្រុស

បានផុស

៣ years មុន

នៅ

ថ្ងៃអង្គារ ២០ ធ្នូ ២០២២

ដោយ

បើគិតមកទល់ពេលនេះអស់រយៈពេលប្រមាណជិត ៤ ឆ្នាំហើយ ដែលតារាចម្រៀងអ្នកនាង ទូច ស្រីល័ក្ខណ៍ បានសម្រេចលែងលះជាមួយអតីតស្វាមីជនជាតិបរទេស។ ខណៈបច្ចុប្បន្ននាងកំពុងសំពាយឈ្មោះជាស្ត្រីមេម៉ាយដោយការរស់នៅចិញ្ចឹមបីបាច់ថែរក្សាកូនប្រុសជាទីស្រលាញ់របស់ខ្លួនតែម្នាក់ឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការកត់សម្គាល់ជារឿយៗគេឃើញតារាស្រីអ្នកនាង ទូច ស្រីល័ក្ខណ៍ តែងបង្ហាញអារម្មណ៍ពាក់ព័ន្ធវិបត្តិផ្លូវចិត្តមួយចំនួនដែលរស់នៅជាប់ឈ្មោះជាស្រីមេម៉ាយ ហើយថែមទាំងមានបន្ទុកជាច្រើនត្រូវរ៉ាប់រង ពិសេសការចិញ្ចឹមបីបាច់ថែរក្សាកូនប្រុសជាដើម។ ប៉ុន្តែអ្វីដែលមិនធ្វើឲ្យនាងអស់សង្ឃឹមក្នុងជីវិតនោះ គឺមានកូនប្រុសបណ្ដូលចិត្តផ្ដល់ភាពកក់ក្ដៅ និងចេះបារម្ភខ្លួននាងជាម្ដាយ។

អ្នកនាង ទូច ស្រីល័ក្ខណ៍ បានបញ្ជាក់ឲ្យដឹងពីទំហំទឹកចិត្តរវាងម្ដាយកូនអ្នកទាំងពីរដូច្នេះថា កម្លាំងចិត្តមហាសែនធំគ្រប់យ៉ាងគាត់ជាអ្នកផ្ដល់មកឲ្យខ្ញុំ នេះគឺការបារម្ភរបស់គាត់មកកាន់ខ្ញុំ ផ្ដល់កម្លាំងចិត្តរាល់ពេលដែលខ្ញុំលួចសម្រក់ទឹកភ្នែក គេងឱបនឹងទ្រូងរាល់យប់មិនដែលធ្វើឲ្យខ្ញុំហត់ចិត្ត ខ្ញុំតស៊ូគ្រប់យ៉ាងគឺការអត់ធ្មត់របស់ខ្ញុំដោយស្នាមញញឹម ឈ្នះចិត្តស្ងប់យូរៗទៅវាគង់តែរសាត់ដោយមិនបាច់ប្រឹង និងភ្លេចដោយខ្លួនឯង។

តារាចម្រៀងពូកែបញ្ចូលមនោសញ្ចេតនាអ្នកនាង ទូច ស្រីល័ក្ខណ៍ និយាយទៀតថា ខ្ញុំមិនមានទ្រព្យ និងលុយច្រើនដូចគេ តែអ្វីដែលគេមិនអាចមានដូចខ្ញុំនោះគឺភាពស្មោះត្រង់របស់ខ្ញុំ និងចរិតច្បាស់លាស់ និងភាពទទួលខុសត្រូវខ្ពស់របស់ខ្ញុំ មិនហោះហើរម្ដងចង់នេះម្ដងចង់នោះទេ។

សូមជម្រាបដែរថា អ្នកនាង ទូច ស្រីល័ក្ខណ៍ ក៏ជាតារាចម្រៀងស្រីម្នាក់ដែលនិយមចូលចិត្តតុបតែងខ្លួនសិចស៊ីមិនចាញ់តារាស្រីជំនាន់ក្រោយៗឡើយ។ ម្យ៉ាងទៀតសម្រាប់ប្រជាប្រិយភាព និងការគាំទ្រ នៅតែរក្សាបានដូចដើម៕

អត្ថបទ ៖ ចាន់រ៉ា