ជីវិតកម្សាន្ដ
ពេជ្រ ចរណៃ លើកទឹកចិត្តអ្នកមិនទទួលលទ្ធផលល្អ និងអបអរអ្នកប្រឡងជាប់បាក់ឌុប
ទន្ទឹមគ្នា នៃថ្ងៃប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ ឬ(បាក់ឌុប) តារាសម្ដែងកញ្ញា ពេជ្រ ចរណៃ ថ្លែងសារចូលរួមអបអរសាទរសម្រាប់បេក្ខជនទូទាំងប្រទេសដែលប្រឡងជាប់បាក់ឌុប និងលើកទឹកចិត្តអ្នកដែលមិនបានជាប់ឲ្យបន្តការខិតខំបន្ថែមទៀត កុំបាក់ទឹកចិត្ត។
ជាការពិតណាស់ ក្រសួងអប់រំ យុវជន និងកីឡា នៅថ្ងៃទី ២២ ខែធ្នូ ឆ្នាំ ២០២២ បានប្រកាសលទ្ធផល នៃការប្រឡងសញ្ញាបត្រមធ្យមសិក្សាទុតិយភូមិ ឬការប្រឡងបាក់ឌុបនៅទូទាំងរាជធានីភ្នំពេញ និងខេត្តកណ្ដាល ខណៈតាមបណ្ដាខេត្តនានា ក៏ត្រូវប្រកាសនៅថ្ងៃទី ២៣ ខែធ្នូ ឆ្នាំ ២០២២ នេះដែរ។
ក្រោយការចេញលទ្ធផលរយៈពេលពីរថ្ងៃនេះ តារាសម្តែង ពេជ្រ ចរណៃ បានចេញសារលើកទឹកចិត្ត និងចូលរួមអបអរដោយមានខ្លឹមសារថា អបអរសាទរបងប្អូនដែលបានប្រឡងជាប់ មិនថានិទ្ទេសណាទេ(តាំងពី A ដល់ F ព្រោះថាលទ្ធផលទាំងអស់នេះមិនបានបញ្ជាក់ថា ជីវិតយើងត្រូវតែជោគជ័យ ឬបរាជ័យនោះទេ។ អញ្ចឹងកុំបញ្ឈប់ខ្លួនឯងត្រឹមនេះអ្វីណា។
កញ្ញា ពេជ្រ ចរណៃ បន្ថែមថា សំនួរត្រូវសួរបន្តនោះថា តើគួរចាប់យកជំនាញអ្វីដាក់ចូលក្នុងជីវិតរបស់យើង? យើងស្រឡាញ់អ្វី? ប្រសព្វជាមួយអ្វី? អាចរស់នៅដោយធ្វើជំនាញនោះពេញមួយជីវិតដោយមិនធុញទ្រាន់បានទេ? ដើរតាមបេះដូងផង ខួរក្បាលផងទៅណា ភាពជោគជ័យក្នុងជីវិតមិនមែនមកពីយើងធ្លាក់ ឬជាប់ ពូកែមិនពូកែនោះទេ តែផ្អែកលើការតស៊ូព្យាយាមមិនបោះបង់ចោលកណ្ដាលទីច្រើនជាង …។ មនុស្សចេះតស៊ូតែងតែមានសំណាងជាងអ្នកដទៃជានិច្ច៕
អត្ថបទ ៖ ចាន់រ៉ា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)