កាលឆ្នាំ ២០២២ Taylor Swift គឺជាតារាស្រីតែម្នាក់គត់ រកចំណូលបានច្រើនបំផុត

Taylor Swift មិនត្រឹមតែជាតារាស្រីតែម្នាក់គត់ដែលមានឈ្មោះក្នុងបញ្ជីតារាកម្សាន្តដែលរកចំណូលបានច្រើនជាងគេបំផុតទាំង ១០ របស់ទស្សនាវដ្ដី Forbes កាលពីឆ្នាំ ២០២២ នោះ Taylor Swift ក៏មានទ្រព្យសម្បត្តិនិងអចលនទ្រព្យដ៏ច្រើនសន្ធឹកសន្ធាប់ផងដែរ។

នៅក្នុងបញ្ជីតារា១០រូបដែលរកចំណូលបានច្រើនជាងគេក្នុងឆ្នាំ ២០២២ ដែលប្រកាសដោយទស្សនាវដ្តី Forbes នោះទទួលបានការចាប់អារម្មណ៍នៅពេលនាងបង្ហាញខ្លួននៅលេខ៩ ដោយប្រាក់ចំណូលរបស់តារាចម្រៀងរូបនេះបានមកពីការលក់ការថតសំឡេង ការផ្សាយនៅលើវេទិកាតន្ត្រីជាដើម។ មុននោះ Taylor Swift ក៏បានចូលក្នុងបញ្ជីអ្នករកប្រាក់ចំណូលចំនួន ៦ ដង។

បើយោងទៅតាមប្រភពពី Business Insider បានឲ្យដឹងថា Taylor Swift មានទ្រព្យសម្បត្តិសរុបប្រមាណ ៣៦០ លានដុល្លារ។ ជាមួយទ្រព្យសម្បត្តិដ៏ច្រើនតារាចម្រៀងរូបនេះបានមកការប្រគំតន្ត្រីទេសចរណ៍ឆ្នាំ ២០១៥ រកចំណូលបានជាង ២៥០ លានដុល្លារ។ បន្ថែមពីលើនេះក្នុងឆ្នាំ ២០១៨ ការប្រគំតន្ត្រីទេសចរណ៍របស់នាងរកចំណូលបានខ្ពស់បំផុតក្នុងប្រវត្តិសាស្ត្រអាមេរិក ដោយរកបាន ២៦៦.១ លានដុល្លារ ។ ជាពិសេសតារាចម្រៀងស្រីរូបនេះ ក៏បានចុះកិច្ចសន្យាផ្សាយពាណិជ្ជកម្ម និងទទួលបានប្រាក់ចំណូលយ៉ាងច្រើនពីម៉ាកល្បីៗលើពិភពលោកផងដែរ ។

យ៉ាងណាមិញ ជាមួយនឹងទេពកោសល្យ និងកេរ្តិ៍ឈ្មោះរបស់នាង ទ្រព្យសម្បត្តិរបស់ Taylor Swift ត្រូវបានគេរំពឹងថានឹងកើនឡើងយ៉ាងខ្លាំងនាពេលអនាគត ដោយសារតារាចម្រៀងស្រីរូបនេះទទួលបានជោគជ័យប្រាក់ចំណូលយ៉ាងច្រើនពីតន្ត្រីនៅពេលសព្វថ្ងៃនេះ ៕

ប្រែសម្រូល៖នាងតូច

ចុចអាន៖Rihanna ទម្លាយរូបភាពគ្រួសារលើកដំបូង