Jennie បង្ហាញរបួសជិតភ្នែក ពេលប្រគំតន្ត្រីក្នុងប្រទេសម៉ាឡេស៊ី

កាលពីល្ងាចថ្ងៃទី ៤ ខែមីនា សមាជិក Jennie នៃក្រុម BLACKPINK បានបង្ហាញខ្លួនលើឆាកក្នុងការប្រគំតន្ត្រី Born Pink ក្នុងទីក្រុង Kuala Lumpur ប្រទេសម៉ាឡេស៊ី ជាមួយរបួសជិតភ្នែកដែលនាងបានរអិល និងដួលពេលកំពុងហាត់ប្រាណ។

នៅរសៀលថ្ងៃទី ៣ ខែមីនា Jennie បានពាក់វ៉ែនតាការពារពន្លឺថ្ងៃនៅអាកាសយានដ្ឋាន ក្រោយពីមានការប្រកាសពីរឿងហេតុ ដូច្នេះទស្សនិកជនមើលមិនឃើញរបួសលើមុខតារាចម្រៀងស្រីរូបនេះ។ រហូតដល់ល្ងាចថ្ងៃទី៤ ខែមីនា ក្រុម BLACKPINK បានចំណាយពេលជាច្រើនក្នុងការសម្តែង និងឆ្លើយឆ្លងជាមួយអ្នកគាំទ្រលើឆាក ទើបឃើញរបួសភ្នែករបស់នាងយ៉ាងច្បាស់នៅតំបន់ភ្នែកធ្វើឱ្យអ្នកគាំទ្រជាច្រើនមានការព្រួយបារម្ភពី Jennie យ៉ាងខ្លាំង។

ជាមួយគ្នានេះដើម្បីកុំឲ្យអ្នកគាំទ្រព្រួយបារម្ភ Jennie តែងតែមានស្នាមញញឹមនៅលើផ្ទៃមុខពេញពេលសម្តែង។ លើសពីនេះទស្សនិកជនជឿថារបួសតូចនេះ មិនបានប៉ះពាល់ខ្លាំងដល់សម្រស់នោះទេ ជាពិសេសក្នុងការសម្តែងនីមួយៗ Jennie បានធ្វើឱ្យអ្នកគាំទ្រចាប់អារម្មណ៍ជាមួយនឹងអាកប្បកិរិយាដ៏ស្រឡូននិងទាក់ទាញរបស់នាង ដែលធ្វើឲ្យអ្នកគាំទ្រជក់ចិត្តគ្រប់ពេល ។

យ៉ាងណាមិញ មុខពេលនាងបង្ហាញខ្លួននៅលើឆាកប្រគំតន្ត្រី នាងក៏បានប្រកាសដោយផ្ទាល់នៅលើបណ្តាញសង្គម Weverse អំពីរបួសនៅលើផ្ទៃមុខរបស់នាងទៅឲ្យអ្នកគាំទ្របានដឹងក៏ដូចជាមិនចង់ឱ្យអ្នកគាំទ្រព្រួយបារម្ភអំពីនាង៕

ប្រែសម្រួល៖នាងតូច

ចុចអាន៖មហាជនម្ខាងទៀតចេញមុខការពារ Bella ថា នាងមិនបានយកមុខពេលថតកៀក Mew ទេ