តារាសម្តែងចិន Liu Yifei បានបង្កឱ្យមានព្យុះនៅលើបណ្តាញសង្គម នៅពេលដែលនាងត្រូវបានប្រកាសដោយម៉ាកគ្រឿងអលង្ការប្រណីត Bulgari ឱ្យក្លាយជាទូតសុឆន្ទៈសកលដូចតារាសម្តែងតៃវ៉ាន់ Shu Qi ។

កាលពីថ្ងៃទី ២៣ ខែមីនា នៅលើបណ្តាញសង្គមទាំងអស់នៃយីហោគ្រឿងអលង្ការ និងគ្រឿងប្រណីតអ៊ីតាលី Bulgari បានប្រកាសជាផ្លូវការថា តារាសម្តែងចិន Liu Yifei បានក្លាយជា “muse” ថ្មីរបស់ Bulgari ជាមួយនឹងតំណែងជាទូតសុឆន្ទៈសកល។ ជាពិសេសនៅលើទំព័រ Fanpage របស់ម៉ាក Bulgari បានណែនាំថា “បុគ្គលិកលក្ខណៈ ទេពកោសល្យ និងរចនាប័ទ្មដ៏គួរឱ្យទាក់ទាញរបស់នាង ធ្វើឱ្យនាងក្លាយជា muse ដ៏ល្អ ហើយសូមស្វាគមន៍មកកាន់គ្រួសារ Bulgarian” ។

ជាមួយគ្នានេះ ព័ត៌មានដែល Liu Yifei បានក្លាយជា “muse” របស់ Bulgari បានរីករាលដាលយ៉ាងលឿនទៅកាន់ Top 1 hotsearch (និន្នាការស្វែងរក) នៅលើវេទិកា Weibo ដោយសារបច្ចុប្បន្ននេះ ប្រទេសចិនមានតារាតែពីររូបគត់ដែល Bulgari ជ្រើសរើសជាតំណាងសកលរួមមាន អតីតតួអាសអាភាស Shu Qi និង Liu Yifei នេះឯង។ ចំពោះតារាសម្ដែង Shu Qi បានក្លាយជាទូតសុឆន្ទៈសកល កាលដើមខែកុម្ភៈ ឆ្នាំនេះ ។

បន្ទាប់ប្រកាសផ្លូវការ ពេលនេះ តារាសម្តែង Liu Yifei ចូលរួមជាអ្នកតំណាងសកលឲ្យម៉ាកយីហោរគ្រឿងប្រណីត Bulgari ដូចជាតារាស្រី Lisa សមាជិកក្រុម Blackpink និងតារាសម្តែងឥណ្ឌា Priyanka Chopra ក៏ដូចជាតារាសម្តែង Anna Hathaway និងតារាសម្តែង Zendaya ៕

ប្រែសម្រួល៖ នាងតូច

ចុចអាន៖Jisoo ក្លាយជាសិល្បករទោល មានអ្នកបញ្ជាទិញអាល់ប៊ុមទុកមុន ច្រើនជាងគេក្នុងប្រវត្តិសាស្ត្រ