Jisoo ក្លាយជាសិល្បករទោល មានអ្នកបញ្ជាទិញអាល់ប៊ុមទុកមុន ច្រើនជាងគេក្នុងប្រវត្តិសាស្ត្រ

ថ្វីត្បិតតែមិនទាន់បានបង្ហាញខ្លួនជាផ្លូវការក៏ដោយ Jisoo សមាជិកក្រុម blackpink បានបង្កើតកំណត់ត្រាថ្មីមួយក្នុងនាមជាអ្នកសិល្បៈទោល K-Pop ជាស្ត្រីមានចំនួនអាល់ប៊ុមដែលបានបញ្ជាទិញច្រើនជាងគេក្នុងប្រវត្តិសាស្ត្រ ។

យោងទៅតាមផលិកម្ម YG Entertainment បានប្រកាសជាផ្លូវការថា អាល់ប៊ុមដំបូងរបស់ Jisoo ដែលជាសមាជិកក្រុម BLACKPINK មានចំណងជើងថា ME បានកើនឡើងលើស ៩៥០,០០០ បន្ទះទុកមុនហើយ។ ទន្ទឹមនឹងចំនួនដ៏ច្រើននេះ Jisoo បានបង្កើតកំណត់ត្រាថ្មីមួយសម្រាប់ចំនួនអាល់ប៊ុមដែលបានបញ្ជាទិញទុកមុន ក្នុងនាមសិល្បករទោលស្ត្រីក្នុងប្រវត្តិសាស្ត្រ K-Pop ។

ចំនួននៃការកក់នេះធ្វើឲ្យផលិតកម្មប៉ាន់ប្រមាណចំនួនអាល់ប៊ុមដែលត្រូវផលិតមុន ពីកត្តាផ្សេងៗរួមទាំងចំនួនអាល់ប៊ុមដែលទស្សនិកជនបញ្ជាទិញជាមុន ក្រុមហ៊ុននឹងគណនាចំនួនពិតប្រាកដដើម្បីផលិតអាល់ប៊ុមដែលសក្តិសមនឹងតម្រូវការរបស់អ្នកគាំទ្រ។ គួរកត់សម្គាល់ថារយៈពេលនៃការបញ្ជាទិញទុកមុននៅតែមានរយៈពេល ១១ ថ្ងៃអាល់ប៊ុមនេះនៅតែបន្តជាប្រធានបទដែលអ្នកគាំទ្រ K-Pop ចាប់អារម្មណ៍ ។

ប្រសិនបើ Jisoo ពិតជាលក់បាន ១ លានបន្ទះនៃអាល់ប៊ុម ME នាងក៏ក្លាយជាសិល្បករទោលទី ៤ ក្នុងប្រវត្តិសាស្ត្រដែលឈានដល់ “million copies” ក្នុងនាមជាសិល្បករទោល និងសមាជិកក្រុម ។ ជាមួយគ្នានេះ MV ទោលរបស់ Jisoo ដែលមានចំណងជើងថា “Flower” និងអាល់ប៊ុម “ME” នឹង ចេញជាផ្លូវការសម្រាប់ទស្សនិកជននៅថ្ងៃទី ៣១ ខែ មីនា ៕

ប្រែសម្រួល៖នាងតូច

ចុចអាន៖ក្រោយមានពាក្យចចាមអារ៉ាមលែងលះប្តីប្រពន្ធ Hyun Bin ព្រមានចាត់វិធានការតាមផ្លូវច្បាប់