ជនដៃដល់សម្លាប់តារារ៉េប XXXTentacion ត្រូវកាត់ទោសឱ្យជាប់ពន្ធនាគារអស់មួយជីវិត

បន្ទាប់ពីរយៈពេលជិត ៥ ឆ្នាំ នៃឃាតកម្មលើតារារ៉េប XXXTentacion ត្រូវបានបាញ់សម្លាប់ក្នុងករណីប្លន់មួយ គណៈវិនិច្ឆ័យនៅរដ្ឋផ្លរីដា សហរដ្ឋអាមេរិក បានកាត់ទោសបុរសបីនាក់ឱ្យជាប់​ពន្ធនាគារ​អស់មួយជីវិត។

យោងទៅតាម NYTimes បានរាយការណ៍បានឲ្យដឹងថា ព្រះរាជអាជ្ញាបានចោទប្រកាន់ លោក Michael Boatwright អាយុ ២៨ ឆ្នាំ និងលោក Trayvon Newsome អាយុ ២៤ ឆ្នាំ គឺជាខ្មាន់កាំភ្លើងនៃអំពើប្លន់នេះ ដែលបានបាញ់ប្រហារស្លាប់ជនរងគ្រោះ។ ជនទីបីដែលត្រូវបានកាត់ទោសគឺ Dedrick Williams អាយុ ២៦ ដោយអ្នកទាំងបីត្រូវបានកាត់ទោសឲ្យជាប់ពន្ធនាគារអស់មួយជីវិត។

ខាងគេហទំព័រ TMZ បានបញ្ជាក់ថា ម្តាយរបស់តារាចម្រៀងរ៉េប XXXTentacion បានយល់ស្របចំពោះការកាត់ក្តីរបស់គណៈវិនិច្ឆ័យ និងព្រះរាជអាជ្ញាសម្រាប់សាលក្រមនេះពិតជាយុត្តិធម៌។

គួររំលឹកថា តារារ៉េប XXXTentacion បានស្លាប់នៅអាយុ ២០ ឆ្នាំក្នុងការប៉ុនប៉ងធ្វើឃាតនៅហាងលក់ម៉ូតូមួយក្នុងរដ្ឋ Florida ភាគខាងត្បូង។ ក្រោយពេលបាញ់រួច ជនសង្ស័យបានរត់គេចខ្លួន ជាមួយលុយចំនួន ៥០,០០០ ដុល្លារ និងកាបូបម៉ាក Louis Vuitton ៕

ប្រែសម្រួល៖ នាងតូច

ចុចអាន៖ The Weeknd គ្រងតំណែងជាសិល្បករពេញនិយមបំផុតលើភពផែនដី