ជីវិតកម្សាន្ដ

ក្រៅពីសិល្បៈ លោកស្រី ឌី សាវ៉េត និងលោក គង់ លុច ប្រៀបដូចសាច់ញាតិបង្កើត

បានផុស

២ years មុន

នៅ

ថ្ងៃអាទិត្យ ២៣ មេសា ២០២៣

ដោយ

មហាជនខ្មែរគ្រប់មជ្ឈដ្ឋាន និងទូទាំងប្រទេស បានជ្រាបច្បាស់ហើយនូវភាពល្បីល្បាញរបស់វីរតារាសិល្បៈជើងចាស់លោកស្រី ឌី សាវ៉េត ដែលលោកស្រីតែងទទួលបានការគាំទ្រខ្ពស់ ថែមទាំងសរសើរពីសមត្ថភាព និងទេពកោសល្យនានា នៅក្នុងអាជីពសិល្បៈ រហូតមកទល់បច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកបើយោងតាមការចុះផ្សាយនៅលើទំព័រហ្វេសប៊ុករបស់ក្រុមព្រះសុរិយា បានធ្វើការបរិយាយភ្ជាប់នឹងរូបភាពរបស់លោកស្រី ឌី សាវ៉េត និងលោក គង់ លុច ថា «តាមរយៈរូបថតនេះបានបង្ហាញថា លោកស្រី ឌី សាវ៉េត និងលោក គង់ លុច ដែលពីសម័យសង្គមរាស្ត្រនិយមដ៏រុងរឿង ក្រៅពីរួមអាជីពជាតារាសម្ដែងប្រចាំជាតិខ្មែរហើយ នៅខាងក្រៅពីអាជីពសិល្បៈ ជីវភាពផ្ទាល់ខ្លួន ពួកគាត់ទាំងពីរប្រៀបដូចជាសាច់ញាតិបង្កើត»។

ប្រភពបានបញ្ជាក់ទៀតថា «លោកទាំងពីរទោះបីមកដល់ពេលនេះមានអាយុប្រមាណ ៨០ ឆ្នាំ តែសុខភាពរបស់ពួកគាត់នៅតែរឹងមាំល្អប្រសើរ និងអាចរាំលេងកម្សាន្តបានដោយកាយវិការរហ័សរហួនថែមទៀតផង»។ ក្នុងនោះក៏មានការបញ្ចេញទស្សនៈថា លោក គង់ លុច គឺជាបងប្រុសរបស់លោក គង់ សំអឿន។ ហើយលោក គង់ លុច បើមើលត្រឹមច្រមុះមកក្រោមដូចលោក គង់ សំអឿន ទាំងស្រុងតែម្ដង៕

អត្ថបទ ៖ ចាន់រ៉ា