ជីវិតកម្សាន្ដ

ខាត់ សុឃឹម ដាក់ប៉ុន្មានឃ្លា លើអ្នកមានសញ្ញាប័ត្រធ្វើឲ្យអ្នកគាំទ្រភ្លឺភ្នែក

បានផុស

៥ years មុន

នៅ

ថ្ងៃអង្គារ ១៩ មករា ២០២១

ដោយ

តារាស្រីពហុជំនាញអ្នកនាង ខាត់ សុឃីម បានថ្លែងបំផុសស្មារតីដល់អ្នកគាំទ្រពិសេសសំដៅលើអ្នកដែលរៀនពូកែរហូតទទួលជោគជ័យមានសញ្ញាប័ត្រ២ឬ៣ថា ទោះបីជារៀនពូកែក៏មិនប្រាកដថាអ្នក ផ្សេងមិនស្មើរខ្លួនដែរ។

ខ្លឹមសាររបស់អ្នកនាង ខាត់ សុឃីម បានរៀបរាប់ថា មេរៀនជីវិតគឺស្មុគស្មាញណាស់នៅក្នុងសាលាគឺពុំបានបង្រៀនឲ្យស៊ីជម្រៅប៉ុន្មានទេ។ភាពជោគជ័យក៏ដូចគ្នា តាំងពីការនិយាយស្ដី ឬកពារ ចំណេះ ដឹង ភាពឆ្លាតវៃ បរិបថនៃការរស់នៅក្នុងសង្គមការមើលចិត្តមនុស្ស គឺត្រូវប្រុងប្រយ័ត្ន និងត្រូវចេះប្រើ ប្រាស់ទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ខាត់ សុឃីម បានសង្កត់ធ្ងន់ថា បើអ្នករៀនពូកែមានសញ្ញាប័ត្រ២ឬ៣ក៏អ្នកមិនអាចតាំងខ្លួន ជាអ្នកចេះ ឬប្រៀបគេមិនស្មើខ្លួននិងមិនគួរមានចរិតក្រអឺតក្រទមឡើយ ព្រោះសញ្ញាប័ត្រគ្រាន់តែជាផ្នែកមួយក្នុងជីវិតទេ។ អ្នកដែលមានវា គឺគួរឲ្យសរសើរ ប៉ុន្តែសម្រាប់អ្នកដែលពុំមានវាក៏មិនគួរឲ្យមើលងាយដែរ ហើយមនុស្សម្នាក់មិនអាចចេះគ្រប់១០ឡើយ។

តារាស្រីដែលអាចលេងបានគ្រប់ទម្រង់សិល្បៈអ្នកនាង ខាត់ សុឃឹម បាននិយាយបន្ថែមទៀតថា កុំមើលស្រាលអ្នកដ៏ទៃ បើទោះជាដឹងថាសមត្ថភាពគេអន់ជាងអ្នកក៏ដោយ គួរចេះផ្ដល់តម្លៃឲ្យគ្នាទៅវិញទៅមក។

សម្ដីប៉ុន្មានឃ្លារបស់អ្នកនាង ខាត់ សុខឃឹម នេះកាន់តែធ្វើឲ្យមានការគាំទ្រនិងផ្តល់តម្លៃលើខ្លឹម សារទាំងនោះ៕

អត្ថបទ ៖ ចាន់រ៉ា