ជីវិតកម្សាន្ដ

Matt ទម្លាយថា នាងបែកគ្នាជាមួយមិត្តប្រុសយូរហើយ និងគ្មានជនទីបីពាក់ព័ន្ធ

បានផុស

២ years មុន

នៅ

ថ្ងៃសុក្រ ២៨ មេសា ២០២៣

ដោយ

បន្ទាប់ពីលេចឮនៅពាក្យចចាមអារ៉ាមរវាងគូស្នេហ៍តារាសម្ដែង Matt Peeranee និងមិត្តប្រុស Songkran Techanarong រហូតធ្វើឲ្យមហាជនជាច្រើនមានតែការងឿងឆ្ងល់ថា តើស្ថានភាពអ្នកទាំងពីរនៅតែអាចប្រើពាក្យថាសង្សារបានដូចធម្មតាឬយ៉ាងណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ កាលពីពេលថ្មីៗនេះ អ្នកសារព័ត៌មានបានសាកសួរនាងក្នុងសន្និសីទសារព័ត៌មាននៃការកម្មវិធីសម្ពោធ BRAND NEW RENATAR ‘PRESS CONFERENCE’ A MAGICAL SHOWCASE ពីស្ថានភាពបេះដូង និងទំនាក់ទំនង ជាមួយនឹងមិត្តប្រុសអភិជន ដោយនាងបានផ្ដល់ចម្លើយច្បាស់លាស់លែងមានមន្ទិលសង្ស័យបន្តទៀត។

តារាម្ដែងរូបនេះបាននិយាយច្បាស់ៗថា ”តាមពិត Matt បានបែកគ្នាតាំងពីខែធ្នូឆ្នាំមុន។ ប៉ុន្តែដោយសារយើងនៅមានកិច្ចការដែលត្រូវធ្វើជាមួយគ្នា ទើបត្រូវនៅបន្តរហូត។ ម្យ៉ាងទៀត ដោយសារតែ Matt គិតគូរដល់គ្រួសារចាស់ទុំរបស់គាត់ផង។ ព្រោះអ្នករាល់គ្នាចិត្តល្អជាមួយ Matt ជាខ្លាំង”។

លើសពីនេះតួឯកស្រីក្នុងរឿង “កូនក្រមុំរីករាយ” បានបន្ថែមទៀតថា ចំណែកហាងការ៉េមដែលមានហ៊ុនរួមគ្នាឥឡូវ Matt នៅតែបន្តហ៊ុនជាមយយគ្នា។ ចំណែកបញ្ហាផ្លូវចិត្ត Matt ពេលនេះលែងខកចិត្តហើយ។ ហើយការបែកគ្នារបស់យើងក៏មិនមានពាក់ព័ន្ធនឹងភាគីទីបីដូចដែលលេចឮកន្លងមកនោះទេ។

ជាចុងក្រោយ នាងក៏បាននិយាយទាំងញញឹមថា សម្រាប់មតិយោបល់ដែលនឹងចូលមក នាងអាចទទួលយកអ្វីគ្រប់យ៉ាងដែល Matt តែងតែទទួលបាន ហើយនឹងបន្តទទួល។ ប៉ន្តែមតិរិះគន់ជាន់ពន្លិចនាងសុំមិនយកទុកក្នុងខ្លួនឡើយ៕