ជីវិតកម្សាន្ដ
ផលិតករខ្មែរព្រួយបារម្ភ! វិស័យភាពយន្តជាតិអាចដួលជាថ្មី ខណៈភាពយន្តបរទេសសម្រុកហូរចូល
លោក លៀក លីដា ដែលគេស្គាល់ថាជាផលិតករភាពយន្ត និងម្ចាស់ផលិតកម្ម LD បានបង្ហាញក្តីព្រួយបារម្ភលើវិស័យភាពយន្តជាតិ អាចនឹងដួលសាជាថ្មី បើសិនជាក្រសួង ឬស្ថាប័នពាក់ព័ន្ធ មិនចេញវិធានការទប់ស្កាត់ ឬកាត់បន្ថយចំនួនភាពយន្តបរទេសទេ។
ការលើកឡើងរបស់លោក ហៀក លីដា ពេលនេះ បន្ទាប់ពីសង្កេតឃើញថា មួយរយៈពេលចុងក្រោយនេះ វិស័យភាពយន្តរបស់ខ្មែរ ហាក់មានការធ្លាក់ចុះចំនួនអ្នកគាំទ្រ ខណៈភាពយន្តបរទេសបាននាំចូលច្រើនសម្រាប់ចាក់ផ្សាយតាមរោងកុននានាក្នុងប្រទេស។ ជុំវិញក្តីព្រួយបារម្ភនេះ លោក លៀក លីដា ក៏បានស្នើដល់ក្រសួង គួរពិចារណាកាត់បន្ថយការនាំចូលភាពយន្តបរទេស ដើម្បីសង្គ្រោះភាពយន្តក្នុងស្រុក។
ក្នុងនោះផលិតករលោក លៀក លីដា ក៏បានព្រមានពីការធ្លាក់ចុះវិស័យភាពយន្តជាតិដូច្នេះថា «មួយខែយ៉ាងតិច ២៤ រឿង ដែលនឹងត្រូវចាក់បញ្ចាំង ហើយមានរឿងខ្មែរតែ ២ រឿងទេ គិតម៉េចឡូវ តើវិស័យភាពយន្តជាតិរីកចម្រើនទៅបានយ៉ាងម៉េចបងប្អូន?។ តួសម្ដែង អ្នកផលិត មន្ត្រីពាក់ព័ន្ធ គួរជួយស្រែក និងរកវិធីទប់ស្កាត់ ប្រយ័ត្នវិស័យមួយនេះងាប់សាជាថ្មី ហើយរឿងអីរឿងយ៉ាងនេះ ដាក់ៗ មិនអាសូរវិស័យភាពយន្តជាតិអ្វីបន្តិចសោះ»។
លោក លៀក លីដា បញ្ជាក់ថា «ឲ្យខ្ញុំផលិតរឿងផ្គត់ផ្គង់អីទៀត បើច្រើនម្លឹងៗ ក្នុងនាមខ្ញុំជាប្រធានសមាគមផលិតករភាពយន្តកម្ពុជា សូមបង្ហាញក្តីបារម្ភពីសុខភាពរបស់វិស័យមួយនេះ ដែលកំពុងធ្លាក់ចុះទៅវិញបន្តិចម្តងៗ ដោយមិនដឹងខ្លួន»។ លោកថា «ជាង ១០ ឆ្នាំ ដែលមាត់បងៗនិយាយថា ជួយ និងគាំទ្រវិស័យភាពយន្តខ្មែរ មើលទៅ មើលខ្លួនឯងទៅ ២៤ រឿង ក្នុងមួយខែ រឿងខ្មែរ ២ រឿង បើរឿងខ្មែរមិនលើកថ្ងៃបញ្ចាំងខ្លួនឯងទេងាប់»។
ជាការកត់សម្គាល់សម្រាប់ក្តីព្រួយបារម្ភនេះមិនមែនទើបតែលើកទី ១ នោះទេ កន្លងមកលោក លៀក លីដា តែងតែចេញមកបង្ហាញពីបញ្ហានេះ ក៏ដូចជាស្នើដល់ក្រសួងពាក់ព័ន្ធ គួរពិនិត្យ និងគិតគូរអំពីបញ្ហាខាងលើនេះ ដើម្បីលើកស្ទួយ និងសង្គ្រោះដល់វិស័យភាពយន្តក្នុងស្រុកឲ្យកាន់តែមានការរីកចម្រើន និងទទួលបានការគាំទ្រខ្លាំងថែមទៀត៕
អត្ថបទ ៖ ចាន់រ៉ា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម