LD ឈរជើងក្នុងវិស័យភាពយន្តបាន ជាង ១៦ឆ្នាំ ក៏ព្រោះតែគុណភាព និងគុណតម្លៃភាពយន្ត

លោក លៀក លីដា ដែលជាអ្នកដឹកនាំសម្តែងនិងជាផលិតករភាពយន្តបានបង្ហាញមោទនភាពរបស់ខ្លួនថា ហេតុផលចម្បងដែលផលិតកម្មលោកអាចឈរជើងបានក្នុងវិស័យភាពយន្តជាង១៦ឆ្នាំ គឺដោយសារតែគុណភាព និងតម្លៃភាពយន្តរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាង នៅថ្ងៃសម្ពោធរឿង “ដីភ្លេីងឆេះក្លឹប – អូតែលឆ្នាំ២០០៥​” របស់ផលិតកម្ម LD គេកត់សម្គាល់ឃើញមានទស្សនិកជនជាច្រើនបាននាំគ្នាទៅចូលរួមគាំទ្រ ខណ:មានការលើកឡើងថា វិស័យ​ភាពយន្ត​កម្ពុជា​ និង​រះនៅលេីឆាកអន្តរជាតិ​ និងជឿនលឿនទៅមុខ។

លោក លៀក លីដា ថា “មូលហេតុដែល LD អាចឈរជើងបាននៅក្នុងវិស័យភាពយន្តជាង ១៦ឆ្នាំដោយសារគុណភាពនិងគុណតម្លៃរបស់ភាពយន្តខ្លួន អរគុណដែលតែងតែគាំទ្រ LD ក៏ដូចជាឱ្យ LD ជាជម្រើសទីមួយរបស់បងប្អូន”។

កាលពីថ្មីៗកន្លងទៅ ដើម្បីជាការស្រាយចម្ងល់ និងមន្ទិលមួយចំនួនទៅកាន់ទស្សនិកជនអ្នកគាំទ្ររបស់ខ្លួនឱ្យកាន់តែច្បាស់លោក លៀក លីដា ដែលជាអ្នកដឹកនាំសម្តែង និងជាផលិតករភាពយន្តធ្លាប់បានចេញមកបញ្ជាក់ថា LD និពន្ធរឿង “ប្រវត្តិដីភ្លើងឆេះភ្លឹប” ជារឿងពិតមិនបានប្រឌិតឡើងទេ។

អ្នកដែលបានចូលរួមកម្មពិធីខាងលើ បានឱ្យដឹងថា​ ដីភ្លេីងឆេះក្លឹប​អូតែលឆ្នាំ២០០៥​ របស់​ផលិតកម្ម LD ពិតជាល្អមើលនិងគុណភាពសបញ្ជាក់​ថា ភាពយន្តកម្ពុជាដេីរទៅមុខទាំងផលិតកម្ម​ និងតួសម្តែង​ សម្តែង​សមសាច់​រឿង​រន្ធត់​ និងពញ្ញាក់អារម្មណ៍ទស្សនិកជនចង់គាំងបេះដូង​។ ខណៈលោកសង្ឃឹម​ថា វិស័យ​ភាពយន្ត​កម្ពុជា​នឹង​រះនៅលេីឆាកអន្តរជាតិ​ ហើយជឿនលឿនទៅមុខ៕ ចាន់រ៉ា