ជីវិតកម្សាន្ដ
ណុប បាយ៉ារិទ្ធ ចេញមកពន្លះចំៗ ក្រោយមានបុគ្គលម្នាក់ប្រមាថរូបលោក និង Coach ទាំង ៣
តារាចម្រៀងប្រុសរូបសង្ហាប្រចាំផលិតកម្មហង្សមាស និងជាគណៈកម្មការកម្មវិធី «The Voice Cambodiaរដូវកាលទី ៣» លោក ណុប បាយ៉ារិទ្ធ ថ្មីៗនេះ បានចេញមកប្រតិកម្ម និងពន្លះចំៗ ក្រោយមានម្ចាស់គណនីហ្វេសប៊ុកមួយ បង្ហោះស៊ែប្រមាថមើលងាយរូបលោក និង Coach ទាំង ៣ ជាមួយពាក្យពេចន៍មិនសមរម្យ។
តាមសំណេររបស់ម្ចាស់បទ«ស្រលាញ់អូនលែងខ្វល់ពីអារម្មណ៍អ្នកដទៃ» លោក ណុប បាយ៉ារិទ្ធ បានសរសេររៀបរាប់នៅលើទំព័រហ្វេសប៊ុកផ្ទាល់ខ្លួនថា «សម្ដីសរជាតិ មារយាទសរពូជ នេះជាសុភាសិតខ្មែរដែលចាស់ទុំតែងអប់រំកូនចៅគ្រប់គ្នា។ ពាក្យតិទានស្ថាបនា ខុសពីការប្រមាថមើលងាយ។ តើឆ្លុះបញ្ចាំងអ្វីពីខ្លួនអ្នកវិញ? អ្នកចង់បង្ហាញថា ពួកខ្ញុំអន់ ឬ ឆ្លុះបញ្ចាំងពីកម្រិតវប្បធម៌ សុជីវធម៌ ចំណេះដឹងរបស់អ្នកអន់? ច្រៀងអន់ អាចរៀនច្រៀងបាន អាចចំណាយពេលហ្វឹកហាត់បង្កើនសមត្ថភាពបាន តែបើឈ្លើយ អត់សុជីវធម៌ហើយ គឺសន្តានហើយ អាចពិបាកត្រង់ត្រូវទៅអង្គុយរៀនមុខវិជ្ជាសុភាវធម៌ជាមួយក្មេងៗ អាយុស្របាលកូនខ្លួនឯងម្ដងទៀត ឬយ៉ាងណា? ប្រើសម្ដីបែបនេះទើបអាចសាងមោទនភាពដល់ខ្លួនឯង និងដល់ប្រពន្ធកូន? ប្រើភាសាបែបនេះទើបអួតគេថាសមជាមនុស្សចេះដឹង? គេមើលមកថាឡូយ? បង្ហាញពីគុណតម្លៃ និងកិត្តិយសរបស់ខ្លួនឯង?»។
គណៈកម្មការកម្មវិធី «The Voice Cambodiaរដូវកាលទី ៣» លោក ណុប បាយ៉ារិទ្ធ បានបន្ថែមថា «ពាក្យ «ក្បាល» គេប្រើជាមួយសត្វ ចឹងបើអ្នកចង់ទុកពួកខ្ញុំជាសត្វ អ្នកក៏ត្រូវប្រៀបធៀបពីខ្លួនអ្នកផ្ទាល់ជាមួយពួកខ្ញុំជាមុនសិនដូចគ្នា ពួកខ្ញុំមានសមត្ថភាពធ្វើអ្វីបានខ្លះ? អ្នកអាចធ្វើអីបានខ្លះ? គុណតម្លៃរបស់មនុស្សគេវាស់វែងលើ ចំណេះដឹង សមត្ថភាព និងលទ្ធផលដែលធ្វើបាន»។
តារាចម្រៀងប្រុសសំឡេងស្រទន់ផ្អែមមុត លោក ណុប បាយ៉ារិទ្ធ បានសង្កត់ធ្ងន់ដល់បុគ្គលដែលប្រើពាក្យមិនសមរម្យមើលងាយរូបលោក និងCoach ទាំង ៣ បន្ថែមថា ប្រយ័ត្នចុងក្រោយតូចចិត្ត មិនហ៊ានទទួលយកការពិត។ ចេះតែមើលងាយគេ អត់ចេះមើលពីខ្លួនឯង ក្លាហានតែមើលពីគេ មិនក្លាហានមើលពីការពិតរបស់ខ្លួនឯង។ បើសម្ដីអត់សុជីវធម៌អញ្ចឹង តើមានសមត្ថភាពអប់រំកូនឲ្យធ្វើជាកូនល្អ ជាបុគ្គលល្អក្នុងសង្គមបានទេ?
តារាចម្រៀងប្រុស លោក ណុប បាយ៉ារិទ្ធ ចេញមកប្រតិកម្ម និងពន្លះចំៗ បែបនេះ ក្រោយមានអ្នកលេងបណ្ដាញសង្គមហ្វេសប៊ុកមួយរូប បានស៊ែចែករំលែកវីដេអូរបស់លោក និង Coach ទាំង ៣ ឡើងរាំច្រៀងជាមួយនឹងបេក្ខភាពកម្មវិធី «The Voice Cambodiaរដូវកាលទី ៣» ដោយភ្ជាប់ខេបសិនថា «ច្រៀងឡូយ និងពីរោះជាងអា Coach បួនក្បាលនឹងទៀត»៕
អត្ថបទ ៖ ពិសី
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៥ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ