ជីវិតកម្សាន្ដ

Vj អាឡាស្កូ បាត់មុខពីសិល្បៈមួយរយៈធំ ចូលមកវិញ ក្រសោបបានទីផ្សារខ្លាំងជាងមុន

បានផុស

៣ years មុន

នៅ

ថ្ងៃសុក្រ ៧ កក្កដា ២០២៣

ដោយ

គេចាំបានថា តារាប្រុសរូបសង្ហា Vj អាឡាស្កូ ចាប់តាំងពីអ្នកម្ដាយជាទីស្រលាញ់បានចែកឋានទៅ តារាប្រុសរូបនេះ បានឃ្លាតឆ្ងាយពីសិល្បៈអស់រយៈកាលមួយសន្ទុះធំមកហើយ។ ក្នុងនោះ កន្លងមកក៏មានទស្សនិកជន និងអ្នកគាំទ្រជាច្រើន តែងតែនឹករលឹកសួរនាំពីដំណឹងរបស់លោកផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការអាក់ខានសិល្បៈអស់រយៈពេលប្រមាណ ២ ឆ្នាំ មកនោះ ឥឡូវតារាប្រុសរូបនេះ បានបង្ហាញខ្លួនវិលរកអាជីពសិល្បៈវិញហើយ ខណៈបច្ចុប្បន្នកំពុងចាប់ផ្ដើមការងារមួយចំនួននៅតាមបណ្ដាកម្មវិធី និងក្រុមហ៊ុននានាជាដើម។ ចំណុចនេះ ក៏ត្រូវបានគេមើលឃើញថា ថ្វីត្បិតកន្លងមកលោកអវត្តមានសិល្បៈក៏ពិតមែន តែទីផ្សារ និងការគាំទ្រ នៅតែរក្សាបានដូចដើម។

កាលពីថ្មីៗកន្លងមក ថ្លែងប្រាប់កម្ពុជាថ្មី VJ អាឡាស្កូ បានឲ្យដឹងថា មួយរយៈកន្លងមកដែលលោកបាត់មុខពីវិស័យសិល្បៈ ក៏ដូចបណ្ដាញសង្គម ដោយសារតែបញ្ហាផ្លូវចិត្តខ្លះៗ បន្ទាប់ពីអ្នកម្ដាយបានទទួលមរណភាព។ លោកថា ទើបតែពេលនេះអាចធ្វើចិត្តបានខ្លះ ក៏សម្រេចវិលចូលសិល្បៈជាថ្មីឡើងវិញ ហើយមានការងារមួយចំនួនកំពុងចាប់ផ្ដើមដំណើរការទៅមុខ។

VJ អាឡាស្កូ បាននិយាយបន្ថែមទៀតថា «ខ្ញុំទើបតែរឹងមាំផ្លូវចិត្តឡើងវិញទេ ក្រោយពេលដែលអ្នកម្ដាយចែកឋានទៅហើយ ក៏ចាប់ផ្ដើមចេញថតបណ្តើរៗ និងទទួលបានការងារជាថ្មី។ ម្យ៉ាងទៀតអំឡុងពេលដែលខ្ញុំបាត់មុខពីសិល្បៈ ក៏មានមិត្តភ័ក្ដិរួមអាជីពមួយចំនួនបានសួរនាំពីខ្ញុំគ្រប់គ្នាផងដែរ»៕

អត្ថបទ ៖ ចាន់រ៉ា