ជីវិតកម្សាន្ដ

កូនពាក់មី សួររកម្ដាយដែលកំពុងសង្គ្រោះបន្ទាន់ក្នុងមន្ទីរពេទ្យ

បានផុស

២ years មុន

នៅ

ថ្ងៃសុក្រ ៤ សីហា ២០២៣

ដោយ

កូនប្រុសពៅតារាកំប្លែង នាយ ពាក់មី សួររកម្ដាយដែលកំពុងសង្គ្រោះបន្ទាន់ ក្រោយទទួលសេវាកម្មចាក់សេរ៉ូមខូលឡាជិន ចាក់វីតាមីន លើផ្ទៃមុខ នៅហាងកែសម្ផស្សមួយកន្លែង យីហោ« អេស88ប៊ីយូធី» ម្ដុំផ្សារថ្មី ធ្វើឲ្យមហាជន និងអ្នកគាំទ្រអាណិតជាពន់ពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយ ពាក់មី បានបង្ហោះភ្ជាប់រូបភាព ជាមួយសំណេរយ៉ាងក្ដុកក្ដួល នៅលើផេកហ្វេសប៊ុកផ្លូវការរបស់ខ្លួនថា «អាណិតកូន សួររកម្ដាយ តែក្នុងបន្ទប់ iCU កំពុងសង្គ្រោះបន្ទាន់ មិនអាចចូលបានទេ អរគុណក្រុមគ្រូពេទ្យកាល់ម៉ែត ដែលយកចិត្តទុកដាក់ព្យាបាលប្រពន្ធខ្ញុំ»។ តាមរយៈខ្លឹមសារនេះ បានធ្វើឲ្យអ្នកគាំទ្រ ក៏ដូចជាមហាជន សម្ដែងការអាណិតអាសូរដល់កូនរបស់ នាយ ពាក់មី ជាពន់ពេក ខណៈម្ដាយកំពុងសង្គ្រោះបន្ទាន់នៅមន្ទីរពេទ្យកាល់ម៉ែត។ ចំណែកអ្នកខ្លះទៀត ក៏បានជូនពរដល់ភរិយាតារាកំប្លែងល្បីឈ្មោះរូបនេះ ឲ្យឆាប់ជាសះស្បើយផងដែរ។

សូមរំលឹកថា ភរិយាតារាកំប្លែង នាយ ពែកមី បន្ទាប់ពីមានអាការមិនស្រួល ក៏ត្រូវបានបញ្ជូនទៅសង្គ្រោះនៅមន្ទីរពេទ្យកាល់ម៉ែត តាំងពីថ្ងៃទី ០២ ខែសីហា មកម្ល៉េះ ហើយមកទល់ថ្ងៃនេះ កំពុងសង្គ្រោះបន្ទាន់ក្នុងបន្ទប់ ICU នៅឡើយ។

ដោយឡែក ហាងកែសម្ផស្សខាងលើ ត្រូវបានសមត្ថកិច្ចចុះធ្វើកំណត់ហេតុ បិទ ក្រោយរកឃើញថា ទីតាំងនេះមិនមានអាជ្ញាប័ណ្ណត្រឹមត្រូវ និងបានធ្វើឲ្យភរិយាតារាកំប្លែង នាយ ពែកមី មានអាការធ្ងន់ធ្ងរ ក្រោយទទួលសេវាកម្មចាក់សេរ៉ូម ខូឡាជិន ចាក់វីតាមីនផ្ទៃមុខ។

យ៉ាងណាមិញ តារាកំប្លែង នាយ ពែកមី មិនទាន់បានបញ្ជាក់លម្អិតជុំវិញរឿងនេះទេ ដោយនិយាយដោយខ្លីថា ទុកឲ្យសមត្ថកិច្ចធ្វើការងារនេះទៅតាមជំនាញសិន ហើយបើមានអ្វីទៀត លោកនឹងបញ្ជាក់ប្រាប់បន្ថែមនៅពេលក្រោយ៕

អត្ថបទ ៖ ពិសី

Related Topics:នាយពាក់មី តារាកំប្លែង

ព័ត៌មានអន្ដរជាតិ៤ ថ្ងៃ ago

Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ

សេចក្ដីជូនដំណឹង៤ ថ្ងៃ ago

អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច