Prang ថា រីករាយណាស់ ពេលឃើញអតីតមិត្តប្រុសមានក្ដីសុខជាមួយអ្នកថ្មី

ទំនាក់ទំនងប្រេះឆារវាងតារាសម្ដែង Prang Kannarun និងតារារ៉េប Tong Twopee បានកន្លងទៅជាង ១ឆ្នាំហើយ ខណៈ Twopee បានផ្ដើមស្នេហ៍ថ្មីជាមួយតារាសម្ដែងរៀមច្បង Ploy Chermarn រីឯ Prang វិញនៅមិនទាន់ចាប់ផ្ដើមជាមួយបុរសណានោះទេ ប៉ុន្តែនាងបានសម្ដែងការអបអរទៅកាន់អតីតមិត្តប្រុសយ៉ាងស្មោះត្រង់ គួរឱ្យសរសើរ។

នៅក្នុងបទសម្ភាសន៍ក្នុងព្រឹត្តិការណ៍កម្សាន្តមួយនាពេលថ្មីៗនេះ Prang បានឆ្លើយតបទៅកាន់អ្នកកាសែតដែលចោទសួរថា តើនាងមានអារម្មណ៍បែបណា ពេលឃើញ Twopee មានមិត្តស្រីថ្មី? ឆ្លើយដោយមិនលាក់លៀម តារាស្រីវ័យ ៣២ឆ្នាំរូបនេះ និយាយថា ខ្លួនពិតជាសប្បាយចិត្តខ្លាំងនឹងទំនាក់ទំនងថ្មីរបស់អតីតមិត្តប្រុស ព្រោះ​ Twopee ធ្លាប់ជាមនុស្សជិតដិត ដូច្នេះការដែលអាចឃើញបុរសម្នាក់នេះមានក្ដីសុខ នាងក៏រីករាយដូចគ្នា ហើយនាងជឿថា ចំពោះ Twopee វិញ ក៏ចង់ឃើញនាងមានក្ដីសុខដែរ។

អតីតតួស្រីរឿង “បុព្វេសន្និវាស” រូបនេះបន្ថែមទៀតថា រឿងរ៉ាវអតីតកាលរបស់នាងនិង Twopee ទាំងប៉ុន្មាន នាងមិនបានឱបក្រសោបនោះទេ ដូចនេះវាគ្មានហេតុផលអ្វីដែលនាងត្រូវខូចចិត្តឡើយ។ ចំណែកព័ត៌មានចចាមអារ៉ាមដែលថា Prang ខូចចិត្តរឿងអតីតមិត្តប្រុសមានទំនាក់ទំនងថ្មីនោះ នាងសុំបដិសេធទាំងស្រុង៕

ប្រែសម្រួល៖ សន្យា

ចុចអាន៖ ទស្សនិកជនចោទថា Prang ជាជនទី៣ ធ្វើឱ្យគូស្នេហ៍ Jes និង Vill ប្រេះឆា

ចុចអាន៖ តារាជើងចាស់ Sinjai វះកាត់កែសម្ផស្ស សម្រស់ក្មេងជាងមុន ២០ឆ្នាំ