ជីវិតកម្សាន្ដ

មិត្តចាស់! មាស សុខសោភា លើកទឹកចិត្ត អាណូ ឲ្យរឹងមាំ

បានផុស

៩ ខែ មុន

នៅ

ថ្ងៃព្រហស្បតិ៍ ២១ កញ្ញា ២០២៣

ដោយ

ក្នុងនាមមិត្តភ័ក្ដិល្អរួមអាជីពសិល្បៈជាមួយយូរឆ្នាំតារាចម្រៀងសំនៀងផ្អែមមនោសញ្ចេតនា អ្នកនាង មាស សុខសោភា បានបង្ហាញនូវការលើកទឹកចិត្តដល់អតីតតារាចម្រៀង និងពិធីការិនីអ្នកនាង សួន ភក្តី ហៅ អាណូ តស៊ូររស់ចិញ្ចឹមកូនៗបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង អាណូ ដូចប្រិយមិត្តដឹងហើយថាកាលពីថ្មីៗកន្លងទៅនាងបានចាក់ពោះខ្លួនឯងប៉ុនប៉ងសម្លាប់ខ្លួន ប៉ុន្តែសំណាងល្អ គឺត្រូវបានសង្គ្រោះទាន់ ខណៈពេលនេះនាងបានជាសះស្បើយ និងចេញពីមន្ទីរពេទ្យមកបន្តរបរលក់ដូរតាមអនឡាញដូចដើមវិញតែនាងមិនទាន់អាចធ្វើការធ្ងន់បានទេ ។

ដោយឡែកចាប់អារម្មណ៍មកមើលពីទំនាក់ទំនងរបស់ វីជេ អាណូ និងអ្នកនាង មាស សុខសោភា គឺអ្នកទាំងពីរនៅតែស្រលាញ់រាប់អានគ្នាដូចដើម។ ជាក់ស្ដែង មុននេះតារាចម្រៀង មាស សុខសោភា បានបង្ហោះរូបភាពស្និទ្ធស្នាលជា អាណូ ដោយការផ្តល់កម្លាំងចិត្តចំពោះតារាស្រីរូបនេះថា «ស្រលាញ់គាត់ណាស់ ស៊ូ ស៊ូ សូមព្រះម៉ែតាមថែរក្សាគាត់រហូត Soun Phea kdey។ ភ្លាមៗនោះដែរ អាណូ បានឆ្លើយដោយខ្លីថាអរគុណណាស់មិត្តសម្លាញ់»។

គេចាំបានថា កាលពីថ្មីៗនេះ មហាជអ្នកគាំទ្របង្ហាញការភ្ញាក់ផ្អើល និងព្រួយបារម្ភគ្រប់គ្នាបន្ទាប់ពីអតីតតារាចម្រៀងអ្នកនាង សួន ភក្ដី ហៅ វីជេ អាណូ បានធ្វើការឡាយវីដេអូរៀបរាប់ពីទុក្ខសោកដែលនាងកំពុងជួបបញ្ហាផ្លូវចិត្តធ្ងន់ធ្ងរ។ ក្នុងនោះ វីជេ អាណូ ថែម ទាំងយកកូនកាំបិតប៉ុងប៉ងចាក់សម្លាប់ខ្លួនឯងទៀតផង។

តារាចម្រៀងអ្នកនាង អាណូ បច្ចុប្បន្នក្រៅពីការងារលក់ដូរអនឡាញ (បាយស្រូបម្ហូបអាហារច្រើនមុខ និងសំលៀកបំពាក់ជាដើម) នោះ ថ្មីៗមុននេះដែរ នាងក៏បានប្រកាសចង់រកការងារបន្ថែមផ្សេងទៀតដើម្បីរកចំណូលសម្រាប់ជីវភាព និងថែទាំព្យាបាលជំងឺកូនស្រីរបស់នាងផងដែរ។ដោយឡែកមុននេះ នាងបានសុំ ការផ្តល់កម្លាំងចិត្តពីអ្នកគាំទ្រដើម្បីខំតស៊ូបន្តទៅមុខទៀត៕

អត្ថបទ៖ ចាន់រ៉ា