ជីវិតកម្សាន្ដ

ដួង សុខគា ចេញសារផ្ដាំទៅអ្នកចោលសំរាមផ្ដេសផ្ដាសនៅកន្លែងកម្សាន្តនានា

បានផុស

២ years មុន

នៅ

ថ្ងៃសុក្រ ២៩ កញ្ញា ២០២៣

ដោយ

កន្លងមក តារាប្រុសពហុជំនាញ លោក ដួង សុខគា ត្រូវគេសង្កេតឃើញថា តែងចេញសារមានចេតនាដាស់អារម្មណ៍កូនខ្មែរ ក៏ដូចជាអ្នកប្រើប្រាស់បណ្តាញសង្គមហ្វេសប៊ុកទាំងអស់ ឲ្យចូលរួមថែរក្សាភាសាជាតិ អក្សរជាតិ ដោយគោរព និងឲ្យបានគង់វង្សក្នុងតម្លៃខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកពេលនេះរឿងចាប់អារម្មណ៍ថ្មីទៀតនោះ គឺ លោក ដួង សុខគា បានចេញមកលើកឡើងដោយធ្ងន់ៗ ផ្តាំទៅកាន់បុគ្គលដែលតែងចោលសំរាមផ្ដេសផ្ដាស ពិសេសនៅកន្លែងកម្សាន្តនានា ត្រូវយល់ពីរឿងនេះ។

ផ្អែកតាមខ្លឹមសាររបស់តារាពហុជំនាញ ដួង សុខគា បានលើកឡើងថា «បើអ្នកចោលសំរាមផ្ដេសផ្ដាស ជាពិសេសនៅកន្លែងកម្សាន្តផ្សេងៗ អ្នកត្រូវសូត្រដូចខាងក្រោមនេះ ៧ ចប់សិន មុននឹងចាកចេញមក ដើម្បីកាត់ឆុង»។ លោកថា «គេឲ្យសូត្រថា “ខ្ញុំអន់ជាងលាមក ខ្ញុំជាអ្នកដេញភ្ញៀវទេសចរ ខ្ញុំជាដង្កូវចង្រៃក្នុងសង្គម” សូត្រមួយចប់ ងាកក្រោយម្តង! ពូកែណាស់!»។

ចំពោះទស្សនៈ នៃការលើកឡើងរបស់តារាល្បីឈ្មោះ និងមានប្រជាប្រិយភាព លោក ដួង សុខគា នាពេលនេះ បានធ្វើឲ្យមតិមហាជនមួយចំនួនសម្ដែងការគាំទ្រ។ ក្នុងនោះ ព្រោះការលើកឡើងពីសំណាក់លោក ដួង សុខគា នេះ ជាគំនិតសម្រាប់ដាស់តឿនស្មារតីទៅបុគ្គលដែលតែងតែប្រព្រឹត្តទង្វើបែបនេះឲ្យភ្ញាក់ខ្លួន។

ប្រាកដណាស់ តារាសិល្បៈពហុជំនាញជើងចាស់សម្បូរវោហារស័ព្ទលោក ដួង សុខគា ក៏ត្រូវបានទស្សនិកជនជាច្រើនមានការកោតសរសើរ និងស្ញប់ស្ញែង ចំពោះសមត្ថភាពសិល្បៈរបស់លោកដែលមានទេពកោសល្យក្នុងការច្រៀងភ្លេងការ និងអាយ៉ៃឆ្លើយឆ្លងបុរាណ ជាពិសេសកំណាព្យកាព្យឃ្លោងពាក្យចុងជួនបែបកំប្លែងស្ងួតឲ្យអ្នកទស្សនាសើចសប្បាយរីករាយតាមលោកផងដែរ៕

អត្ថបទ ៖ ចាន់រ៉ា