ជីវិតកម្សាន្ដ

សោភា ទេពី ថា កុំវាយតម្លៃនាងតែសំបកក្រៅ

បានផុស

២ years មុន

នៅ

ថ្ងៃចន្ទ ១៣ វិច្ឆិកា ២០២៣

ដោយ

តារាចម្រៀងវ័យក្មេង ញឹមសួន សោភាទេពី ក្រោយចូលប្រឡូកក្នុងវិស័យសិល្បៈរយៈពេលប៉ុន្មានឆ្នាំមកនេះ បច្ចុប្បន្នគេកត់សម្គាល់ថា ទាំងប្រជាប្រិយភាព និងសន្ទុះនៃការគាំទ្រហក់ឡើងមិនចាញ់តារារៀមច្បងឡើយ។ មិនតែប៉ុណ្ណោះ រូបសម្ផស្សរបស់នាង ថែមទាំងស្រស់ស្អាត គួរជាទីចាប់អារម្មណ៍ និងស្រឡាញ់ពេញចិត្តពីមហាជនផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះអ្វីដែលធ្វើឲ្យអ្នកគាំទ្រ និងអ្នកប្រើប្រាស់បណ្តាញសង្គមហ្វេសប៊ុកចាប់អារម្មណ៍ខ្លាំងជាងនេះ គឺតារាស្រីសម្បូរទ្រលុកទ្រលន់កញ្ញា ទេពី ជារឿយៗតែបង្ហោះរូបថតបង្ហាញពីភាពសិចស៊ីនៅលើបណ្តាញសង្គមបញ្ចេញសាច់ខ្ចីគួរឲ្យគយគន់។

តាមរយៈរូបភាពនេះសោភា ទេពី ក៏ទទួលបានការសរសើរផង និងរិះគន់ផងដែរពីសំណាក់មហាជន និងអ្នកប្រើប្រាស់បណ្តាញសង្គម។ ខណៈកន្លងមក ទេពី ហាក់គ្មានការឆ្លើយតប ឬប្រតិកម្មអ្វីឡើយចំពោះរឿងនេះ។ ទោះបីយ៉ាងណា ទើបតែមុននេះស្រាប់តែ សោភា ទេពី បាន ពន្លយពាក្យមួយឃ្លាទៅកាន់អ្នកគាំទ្រថា” សូមកុំវាយតម្លៃខ្ញុំតែសំបកក្រៅ”។

ប្រាកដណាស់កញ្ញា សោភា ទេពី សព្វថ្ងៃក៏បានកំពុងក្លាយជាទីចាប់អារម្មណ៍របស់មហាជន និងអ្នកគាំទ្រផងដែរតាមរយៈទេពកោសល្យសិល្បៈ និងទឹកដមសម្លេងច្រៀងយ៉ាងពីរោះផ្អែមបំពេអារម្មណ៍អ្នកស្តាប់។ ម្យ៉ាងទៀត នាងក៏ត្រូវបានទស្សនិកជនសរសើរព្រោះតារាវ័យ ២០ឆ្នាំរូបនេះ អាចច្រៀងចម្រៀងបានគ្រប់ចង្វាក់ហើយបានច្រើនភាសារថែមទៀត។

បើតាមការឲ្យដឹងពីស្រីស្អាត ញឹមសួន សោភាទេពី កាលពីកន្លងទៅនាងបានបញ្ជាក់ថា សម្រាប់ខ្លួននាង គឺអាចច្រៀងចម្រៀងទាំងភាសារខ្មែរ និងបរទេសបានរហូតដល់ ៨ភាសារឯណ្ណោះ។ ចំនួននេះត្រូវបានអ្នកគាំទ្រយល់ថា នាងជាតារាខ្មែរម្នាក់ដែលមានទេពកោសល្យ និងសមត្ថភាពខ្ពស់ដែលតារាមួយចំនួនទៀតពុំទាន់អាចធ្វើបានទេ៕

អត្ថបទ៖ ចាន់រ៉ា