Connect with us

ជីវិតកម្សាន្ដ

លេចមុខក្រុម BLACKPINK ក្នុងពិធីជប់លៀងដែលរៀបចំដោយស្តេច Charles

បានផុស

នៅ

សមាជិក​ទាំង​បួននៃក្រុម ​BLACKPINK បាន​បង្ហាញ​ខ្លួន​ក្នុង​សំលៀក​បំពាក់​ដ៏​ប្រណិត​បំផុត​នៅ​ពេល​ពួកគេ​ក្លាយ​ជា​ភ្ញៀវ​កិត្តិយស​ក្នុង​ពិធី​ជប់លៀង​មួយ​នៅ​វិមាន Buckingham ក្រោមព្រះរាជវត្តមានស្តេច Charles ។

យោងតាមប្រភពពី Allkpop បានឲ្យដឹងថា BLACKPINK ត្រូវបានអញ្ជើញដោយផ្ទាល់ពីរដ្ឋាភិបាលអង់គ្លេស ឲ្យចូលរួមក្នុងពិធីជប់លៀងដែលធ្វើឡើងនៅវិមាន Buckingham។ ព្រឹត្តិការណ៍នេះត្រូវបានរៀបចំឡើងដោយស្តេច Charles និងជាព្រឹត្តិការណ៍ដ៏សំខាន់មួយក្នុងឱកាសគម្រប់ខួប ១៤០ ឆ្នាំ នៃទំនាក់ទំនងការទូតរវាងកូរ៉េ និងអង់គ្លេស។

ជាពិសេស ពិធីជប់លៀងនេះធ្វើឡើងក្នុងឱកាសដែលប្រធានាធិបតីកូរ៉េ Yoon Suk Yeol បំពេញទស្សនកិច្ចនៅប្រទេសអង់គ្លេស ពង្រឹងទំនាក់ទំនងវប្បធម៌រវាងប្រទេសទាំងពីរ។ ពិធីនេះមានការចូលរួមពីមន្ត្រីជាច្រើននៃប្រទេសទាំងពីរ រួមទាំងនាយករដ្ឋមន្ត្រី Rishi Sunak និងសមាជិកនៃរាជវង្សអង់គ្លេសផងដែរ។

ក្នុងនោះផងដែរ តារាស្រីទាំងបួននាក់របស់ BLACKPINK បានចូលរួមក្នុងពិធីជប់លៀងក្នុងនាមជាទូតសុឆន្ទៈនៃ COP26 – កិច្ចប្រជុំកំពូលស្តីពីការប្រែប្រួលអាកាសធាតុរបស់អង្គការសហប្រជាជាតិលើកទី ២៦ ។ មិនត្រឹមតែភ្ញៀវទេ ក្រុម K-Pop នេះក៏ទទួលបានកិត្តិយសនៅក្នុងពិធីជប់លៀងផងដែរ សម្រាប់ការនាំយកសារនៃនិរន្តរភាពបរិស្ថានទៅកាន់ពិភពលោក។

លើសពីនេះ ស្តេច Charles III ក៏បានថ្លែងសុន្ទរកថា ដោយរៀបរាប់ពីឈ្មោះសមាជិកស្រីទាំង ៤ នាក់របស់ BLACKPINK ក្នុងចំណោមភ្ញៀវទាំងអស់ដែលបានចូលរួមក្នុងព្រឹត្តិការណ៍នោះ ដោយនិយាយថា “វាគឺជាការលើកទឹកចិត្តដ៏ពិសេសមួយ។ ដោយឃើញជនជាតិកូរ៉េជំនាន់ថ្មីដឹងពីបញ្ហានេះ ខ្ញុំសូមសរសើរ Jennie, Jisoo, Lisa និង Rosé ដែលត្រូវបានគេស្គាល់ថាជា BLACKPINK សម្រាប់តួនាទីរបស់ពួកគេ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ នាពេលបច្ចុប្បន្ននេះ រូបភាពរបស់សមាជិកក្រុម BLACKPINK ទាំងបួននាក់ ក៏ដូចជាការជួបជុំរបស់ពួកគេជាមួយស្តេច Charles ត្រូវបានចែករំលែកយ៉ាងទូលំទូលាយនៅលើបណ្តាញទំនាក់ទំនងសង្គម។ អ្នក​គាំទ្រ​ហាក់​មាន​មោទនភាព​យ៉ាង​ខ្លាំង​ចំពោះ​ព្រឹត្តិការណ៍​ថ្មី​ដែល BLACKPINK សម្រេច​បាន​ក្នុង​អាជីព​របស់​ពួក​គេ។ ទស្សនិកជនជាច្រើនក៏បានសរសើរឈុតដែលសមាជិកពាក់ទៅចូលរួមពិធីជប់លៀងដោយនិយាយថា នារីៗមើលទៅពិតជាប្រណិត និងស័ក្តិសមសម្រាប់ការជួបជុំជាមួយរាជវង្សអង់គ្លេស៕

ប្រែសម្រួល៖ សាង ស្រីល័ក្ខ

ចុចអាន៖ហេតុផល ៥ យ៉ាងដែល Lisa យកឈ្នះបេះដូងមនុស្សជុំវិញពិភពលោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

អតីតរដ្ឋមន្ត្រីហិរញ្ញវត្ថុម៉ាឡេស៊ី ត្រូវបានចោទប្រកាន់ពីបទ «មិនគោរពគោលការណ៍ ប្រកាសទ្រព្យសម្បត្តិ»

ព័ត៌មានអន្ដរជាតិ២ ម៉ោង មុន

បេសកជនសិទ្ធិមនុស្សអង្គការសហប្រជាជាតិ បង្ហាញថា ប្រសិនបើគ្មានអ្នកផ្ដល់សព្វាវុធ របបយោធានៅមីយ៉ាន់ម៉ា​នឹងទន់ខ្សោយ

សន្តិសុខសង្គម៣ ម៉ោង មុន

តុលាការផ្តន្ទាទោស លោក William Guang  ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់

ព័ត៌មានជាតិ៣ ម៉ោង មុន

មន្ត្រីជាន់ខ្ពស់ ប.ស.ស. ជំរុញផ្តល់សេវាឱ្យលឿនរហ័ស ស្របតាមកំណែទម្រង់ថ្មី

សន្តិសុខសង្គម៤ ម៉ោង មុន

១សប្ដាហ៍ សមត្ថកិច្ច ឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀន២១០នាក់ និងក្មេងទំនើង១០៩នាក់

ចរាចរណ៍៤ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានជាតិ១ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

បច្ចេកវិទ្យា១៦ ម៉ោង មុន

កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម

ព័ត៌មានអន្ដរជាតិ៥ ថ្ងៃ មុន

រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣

ព័ត៌មានជាតិ៦ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម