Kwan បញ្ចេញរូបភាពមួយសន្លឹក តែទាក់ចិត្តប្រុសៗមិនធម្មតា

បន្ទាប់ពីត្រលប់មកមើលថែខ្លួនឯងសាជាថ្មីម្ដងទៀត តារាសម្ដែង Kwan Usamanee ជាញឹកញយទស្សនិកជនតែងតែឃើញនាងបង្ហោះ​រូបភាព​ហាត់​ប្រាណរួមជាមួយ hashtag # kwanthereturn ហាក់មានចេតនាបង្អួតរាងរៅដល់ហ្វេនយ៉ាងដូច្នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយពត័ត៌មានកម្សាន្ត sanook បានបញ្ចាក់ថា កាលពីពេលថ្មីៗនេះ Kwan Usamanee បានបង្ហោះរូបភាពដ៏ស្រស់ស្អាត ឈរនៅលើយ៉រខាងក្រោយ ជាមួយនឹងទិដ្ឋភាពដ៏ស្រស់ស្អាតនៃទីក្រុង រួមជាមួយនឹង Caption ខ្លីមួយសរសេរថា “@milin_brand @looknut_nw កាលណាអ្នកពាក់ស្បែកជើងកែងខ្ពស់ទាំងនេះ អ្នកនឹងមើលទៅខ្ពស់” ។

ស្របពេលជាមួយគ្នានោះ គេសង្កេតឃើញថាតារាសម្ដែងរូបនេះស្លៀកខោខ្លីពណ៌លឿង បង្ហាញស្បែកសនិងជើងវែងស្រឡូនខុសមុន តែមិនមែនជាការស្លៀករ៉ូបដូចរាល់ដងទេ។ ដែលនេះបានធ្វើឲ្យអ្នកគាំទ្រជាច្រើនបានសម្រុកចូលចុច Like និងបញ្ចេញមតិលើរូបភាពរបស់នាងព្រោងព្រាត។

លើសពីនេះ គេក៏ឃើញអ្នកបញ្ចេញមតិភាគច្រើនសុទ្ធតែប្រុសៗនៅលីវ ហើយសុទ្ធសឹងតែជាអ្នកគាំទ្រ Kwan Usamanee មកជាយូរថែមទៀត។ ដោយក្នុងនោះម្នាក់ៗបានពោលសរសើរសម្រស់របស់នាងថា​ កាន់តែមើលកាន់តែស្អាត ទោះនាងមានអាយុច្រើនក្ដី ប៉ុន្តែសម្រស់នាងនៅតែមើលឃើញស្អាតស្បែកតឹង​មុខរលោង សឹងថាដូចជាតុក្តតាបាប៊ីឥតខ្ចោះ៕

ប្រែសម្រួល៖ សាង ស្រីល័ក្ខ

ចុចអាន៖តួ Nanno ក្នុងរឿង “Girl from Nowhere” ​ ​ ​ស្រកគីឡូខ្លាំងពេក រហូតធ្វើឲ្យអ្នកគាំទ្រ​បារម្ភ​