ជីវិតកម្សាន្ដ

នាយ ក្រឹម បញ្ជាក់ការពិតក្រោយមានការបង្ហោះថា ខ្លួនស្ម័គ្រចិត្តចាក់វ៉ាក់សាំងកូវីដ-១៩ដំណាក់កាលដំបូង

បានផុស

៥ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

ភ្នំពេញ ៖ តារាកំប្លែងជើងចាស់លោក អ៊ូ ប៉ុណ្ណារ៉ាត់ ហៅនាយ ក្រឹម បន្ទាប់ពីមានការបង្ហោះផ្ទុយពីការពិត ដោយបានលើកឡើងថា នាយបានស្ម័គ្រចិត្តចាក់វ៉ាក់សាំងកូវីដ-១៩ដំណាក់កាលដំបូងដែលជាជំនួយរបស់រដ្ឋាភិបាលចិននោះ ភ្លាមៗនេះបានចេញមុខបញ្ជាក់ការពិតនិងឆ្លើយបដិសេធថា ការបង្ហោះពុំមែនជាការពិតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងនាយក្រឹម បានបង្ហោះសារភ្ជាប់ជាមួយខ្លឹមសារក្លែងក្លាយដែលត្រូវបានជនអនាមិកបង្កើតឈ្មោះហ្វេសប៊ុកក្លែងបន្លំដូច្នេះថា សូមជម្រាបជូន ដំណឹងបងប្អូនទាំងអស់គ្នា។ ខ្ញុំបាទឈប់លេងAccount នេះហើយ ព្រោះមានគេយកលេងដែរមិនមែនជាខ្ញុំ ដូច្នេះបើមានគេឆាតទៅឬបង្ហោះអី្វផ្តេសផ្តាស់តាមរយៈAccount មួយនេះខ្ញុំបាទមិនទទួលដឹងឮទេ សូមបងប្អូនជួយបន្តជូនជាដំណឹងផង។

មិនខុសគ្នាពីនាយ ក្រឹម នោះទេសម្រាប់តារាកំប្លែងដែលជាភរិយាក្មេងនាយ ក្រឹម គឺស្រី លាភ ក៏បានបញ្ជាក់ដែរថា សូមជម្រាបជូនដំណឹងបងប្អូនទាំងអស់គ្នាថា Account មួយនឹងបងក្រឹមឈប់លេងយូរហើ។ ដូច្នេះបើមានជនណាឆាតទៅ ឬក៏បង្ហោះរូបភាពអ្វីផ្សេងៗនោះគឺមិនមែនជា នាយ ក្រឹម ពិតនោះទេ។

សូមបញ្ជាក់ថា កាលពីថ្ងៃទី០៨ ខែកុម្ភៈ ម្សិលមិញនៅលើគណនីមួយគឺបានយកឈ្មោះនិងរូបភាពតារាកំប្លែងជើងចាស់ អ៊ូ ប៉ុណ្ណារ៉ាត់ហៅនាយក្រឹម បង្ហោះនូវសារខ្លឹមសារដោយប្រកាសដូច្នេះថាខ្ញុំអ៊ូ ប៉ុណ្ណារ៉ាត់(ក្រឹម)ស្ម័គ្រចិត្តចាក់វ៉ាក់សាំង Sinoph arm របស់ ចិន សូមបងប្អូនទាំងអស់គ្នាចូលរួមបង្ការនិងការពារ មេរោគកូវីដ១៩នេះ អរគុណសន្តិភាព។ ប៉ុន្តែជាប្រតិកម្មត្រូវបាននាយ ក្រឹម ឆ្លើយថាពុំមែនការពិតឡើយ៕

ដោយ ៖ ចាន់រ៉ា

Related Topics:នាយ ក្រឹម

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា