ជីវិតកម្សាន្ដ
មាស សុខសោភា ស្នើឲ្យបញ្ឈប់ការយកបណ្ដាញសង្គមជាវេទិកាឈ្លោះជេរគ្នា
មួយរយៈចុងក្រោយនេះ ដោយសង្កេតឃើញមានបុគ្គលមួយចំនួន បានយកបណ្ដាញសង្គមជាវេទិកាដើម្បីបង្កើតរឿងរ៉ាវឈ្លោះប្រកែក ឬជេរបញ្ចោរគ្នាអត់ប្រយោជន៍ ប៉ះពាល់ដល់តម្លៃសង្គមខ្មែរនោះ ស្រាប់តែតារាចម្រៀង មាស សុខសោភា ចេញមកស្នើឲ្យបញ្ឈប់យកបណ្ដាញសង្គមជាវេទិកាប្រើពាក្យអសុរោះឈ្លោះជេរបញ្ចោរគ្នា។
ប្រាកដណាស់ជាការកត់សម្គាល់ឃើញទង្វើគ្មានសីលធម៌បង្កការប៉ះពាល់រហូតក្លាយជារឿងបំពុលសង្គមពីសំណាក់បុគ្គលមួយចំនួននោះ កន្លងមកក៏មានមហាជន និងអ្នកគាំទ្រជាច្រើន បានសម្តែងការហួសចិត្ត និងធ្វើការរិះគន់យ៉ាងចាស់ដៃលើសកម្មភាពបែបនេះ។ ក្នុងនោះ គេចាត់ទុកថាជាការប្រើប្រាស់បណ្ដាញសង្គមហ្វេសប៊ុកធ្វើជាឈ្នាន់ ដើម្បីទាញយកផលប្រយោជន៍ផ្ទាល់ខ្លួនពីសំណាក់អ្នកប្រើប្រាស់បណ្ដាញសង្គម។
ដោយឡែកកំពូលតារាចម្រៀង មាស សុខសោភា បានលើកឡើងដែរថា «ឥឡូវសង្កេតឃើញប្អូនៗ មួយចំនួន បង្កើតរឿងរ៉ាវមិនល្អ និងទង្វើមិនគប្បី ដើម្បីយកទៅបញ្ចេញនៅតាមបណ្ដាញសង្គម….នេះជាមេរោគមួយមិនល្អសម្រាប់សង្គមជាតិយើងទេ។ អញ្ចឹងបើអ្នកទាំងអស់គ្នាបានស្តាប់ឃ្លឹបមួយនេះហើយ បើដឹងថាទង្វើនេះវាប៉ះពាល់ ឬជាគំរូអាក្រក់ទៅដល់ខ្លួនឯង ប្រជាជនខ្លួនឯង សូមឈប់ទៅ កុំធ្វើអី»។
អ្នកនាង មាស សុខសោភា បានលើកជាយោបល់ថា «ពេលខ្លះ រឿងខ្លះ យើងអាចនិយាយតាមទូរស័ព្ទ ឬ ហៅមកតទល់ឈ្លោះគ្នាតែគ្នាឯងហ្នឹងទៅ កុំចែករំលែកហែកហួរនៅក្នុងសង្គមមួយនេះ ព្រោះនៅពេលខ្លះដែលយើងមកហែកហួរគ្នានៅបណ្ដាញសង្គម អាចធ្វើឲ្យសង្គមជាតិ ប្រទេសជាតិយើងធ្លាក់ចុះសីលធម៌ដោយសារតែបុគ្គលប៉ុន្មានគ្នាឯងហ្នឹង»។
អ្នកនាង មាស សុខសោភា បាននិយាយទៀតថា «ខ្ញុំគិតថា ទង្វើឈ្លោះគ្នានៅលើបណ្ដាញសង្គមបែបនេះ មិនបានស្តែងឡើងពីគុណធម៌ សីលធម៌ទេ ដូច្នេះបើបងប្អូនអាចឈប់បានគួរតែឈប់ទៅ ព្រោះធ្វើឲ្យខូចសីលធម៌សង្គមរបស់យើង»។
តាមការកត់សម្គាល់អំឡុងមួយរយៈនេះមានបុគ្គលមួយចំនួន ពិសេសអ្នកលក់ផលិតផលតាមអនឡាញ បានប្រើប្រាស់បណ្ដាញសង្គមធ្វើជាខែលដើម្បីទាញយកប្រយោជន៍ ដោយប្រព្រឹត្តិទង្វើអសីលធម៌ ធ្វើឲ្យប៉ះពាល់កិត្តិយសខ្លាំងដល់តម្លៃសង្គម៕
អត្ថបទ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ