នីកូ បញ្ជាក់ស្ថានភាព ជេន ក្រោយជួបឧបទ្ទវហេតុ ភ្លើងឆេះខ្លួន ពេលថត MV ថ្មី

ថ្មីៗនេះ មហាជនបានភ្ញាក់ផ្អើល និងព្រួយបារម្ភខ្លាំង បន្ទាប់ពីមានដំណឹងថា តារាចម្រៀងស្រីប្រចាំផលិតកម្ម 3F កញ្ញា ជេន បានជួបនូវឧបទ្ទវហេតុ ត្រូវភ្លើងឆាបឆេះខ្លួនអំឡុងពេលដែលកំពុងថត MV ថ្មី។ យ៉ាងណា ពេលនេះត្រូវបានលោក នីកូ ចេញមកបញ្ជាក់អំពីស្ថានភាពរបួសរបស់តារាស្រីរូបនេះ។

តារាចម្រៀង លោក  នីកូ ដែលបានស្ថិតនៅក្នុងហេតុការណ៍រន្ធត់នោះ បានលើកឡើងថា លោកបានរត់ទៅឱបនាងភ្លាមទាំងក្ដីតក់ស្លុត ព្រោះក្បាលពោះរលាកខ្លាំង របកស្បែកមក។ មូលហេតុគឺ មុនថតឈុតភ្ជាប់នឹងក្រដាស magic នេះ team work បានតេស្ត៍ដដែលៗរួចហេីយ គឺឃេីញថា វារលត់ភ្លាមរយៈពេល ៣វិនាទី ប៉ុន្តែការឆាបធ្វេីឱ្យមានបញ្ហាគឺឆាបពីស្បៃ។

លោក នីកូ បានបន្តថា៖ “ខ្ញុំបញ្ឃប់ការថតចោលភ្លាមៗ ទោះបីជាបទមួយនេះចំណាយច្រេីនក៏ដោយ ស្ថានភាពភ្លាមៗសូម្បីតែខ្ញុំ និងជេន ក៏មិនដឹងដែរវាមានការលាកខ្លាំង ព្រោះរយៈពេល នៃការឆេះគឺខ្លីបន្ទាប់ពីដោះឈុតចេញ គឺបាននាំទៅកាន់មន្ទីពេទ្យដេីម្បីលាងនូវរបួស ពេលនេះគឺ ជេន បានធូស្បេីយហេីយ”។

តារាចម្រៀង លោក នីកូ បានបញ្ជាក់បន្ថែមថា សូមអគុណសម្រាប់ការបារម្ភ ហេីយក៏សុំទោសមិត្តភក្កិបងប្អូនដែលមេីលដឹងថា អ្នករត់ទៅឱប ជេន គឺជា លោក ហើយរូបលោកមិនបានឆ្លេីយតប ព្រោះម្សិលមិញគឺជាប់រវល់អត់បានកាន់ទូរស័ព្ទ៕

អត្ថបទ៖ ចាន់រ៉ា