ព័ត៌មានអន្ដរជាតិ
លោកសេដ្ឋា ប្រាប់ថា សិង្ហបុរីឆ្លាត ដែលមិនឲ្យ Taylor Swift មកប្រគំតន្ត្រីក្នុងប្រទេសថៃ
លោកនាយករដ្ឋមន្រី្ត សេដ្ឋា ថាវីស៊ីន បានពន្យល់មូលហេតុដែលការប្រគំតន្ត្រី Taylor Swift មិនដែលធ្វើឡើងនៅប្រទេសថៃ នេះក៏ដោយសារតែរដ្ឋាភិបាលសិង្ហបុរីបានឧបត្ថម្ភថវិកាចំនួន៥០០លានបាត(១២២,៥០៣ដុល្លារ)សម្រាប់សិល្បករស្រីសម្តែងតែមួយកន្លែងក្នុងប្រទេសអាស៊ានប៉ុណ្ណោះ។ ពួកគេមានបំណងចង់ឲ្យថៃដើរតាម ដោយជឿថា វានឹងបង្កើតតម្លៃទេសចរណ៍មួយជាក់ជាមិនខាន។
បន្ទាប់ពីលុបចោលការប្រគំតន្ត្រីនៅប្រទេសថៃកាលពីឆ្នាំ ២០១៤ Taylor Swift មិនដែលត្រលប់មកសម្តែងនៅថៃម្តងទៀតទេ ប៉ុន្តែកាលពីពេលថ្មីៗនេះក្នុងកម្មវិធី Eras Tour តារាចម្រៀងប៉ុបរូបនេះ បានប្រកាសដំណើរប្រគំតន្ត្រីជាច្រើនកន្លែងនៅអាស៊ាន រួមទាំងសិង្ហបុរី តែបែរជាលើកលែងតែប្រទេសថៃទៅវិញ។
យោងតាមសារព័ត៌មាន workpointtoday បានផ្សាយកាលពីថ្ងៃទី ១៦ ខែកុម្ភៈ ឆ្នាំ ២០២៤ ដោយបង្ហាញវត្តមានលោកនាយករដ្ឋមន្ត្រី សេដ្ឋា ថាវីស៊ីន បានឡើងលើឆាកដើម្បីថ្លែងសុន្ទរកថានៅក្នុងព្រឹត្តិការណ៍ iBusiness Forum 2024 ដែលមានចំណងជើងថា RESHAPING THAILAND FOR A SUSTAINABLE FUTTURE ការផ្លាស់ប្តូរសេដ្ឋកិច្ចថៃ ឆ្ពោះទៅមុខប្រកបដោយនិរន្តរភាពនៅមជ្ឈមណ្ឌលសន្និបាតជាតិ Queen Sirikit ដោយឆ្លើយពីមូលហេតុដែលការប្រគំតន្ត្រី Taylor Swift មិនបានជ្រើសរើសរៀបចំព្រឹត្តិការណ៍នេះនៅប្រទេសថៃ ព្រោះរដ្ឋាភិបាលសិង្ហបុរីបានឧបត្ថម្ភ Taylor ក្នុងការប្រគំតន្ត្រីចំនួន ៥ ដង ចំនួនទឹកប្រាក់ ១០០ លានបាត (២,៧៩៧,៨៨៤ដុល្លារ) ជាមួយនឹងលក្ខខណ្ឌថា គាត់នឹងមិនទៅសម្តែងនៅប្រទេសផ្សេងក្នុងអាស៊ាននោះទេ។
លោក សេដ្ឋា បានសម្ដែងការចាប់អារម្មណ៍ចំពោះលក្ខខណ្ឌទាំងនោះថា “រដ្ឋាភិបាលសឹង្ហបុរីឆ្លាត ហើយប្រាប់គេថាកុំរៀបចំកន្លែងណាផ្សេងនៅអាស៊ាន។ ៥០០ លានបាត សម្រាប់ខ្ញុំគឺជាចំនួនតិចតួចណាស់ បើខ្ញុំដឹងរឿងនេះ ខ្ញុំចង់នាំយកការប្រគំតន្ត្រី Taylor ទៅប្រារព្ធនៅប្រទេសថៃ។ ក្នុងមួយកម្មវិធីដែលមានតម្លៃមិនដល់ ២លានដុល្លារ ខ្ញុំប្រាកដថាគាត់អាចទាក់ទាញអ្នកឧបត្ថម្ភ ទាក់ទាញភ្ញៀវទេសចរពីបរទេសមកកាន់ប្រទេសថៃបានកាន់តែច្រើន បើទោះបីជាបានឧបត្ថម្ភធនចំនួន ៥០០ លានសម្រាប់ការបង្ហាញចំនួន ៥ ខ្ញុំជឿថាវិស័យសណ្ឋាគារ ឧស្សាហកម្មទេសចរណ៍ហាងលក់ដូរតាមផ្លូវ ហាងសាច់ជ្រូកអាំង ព្រមទាំងអាជីវកម្មទាក់ទងនឹងមនុស្ស ឬទេសចរណ៍នឹងមានប្រាក់ចំណូលកើនឡើងជាក់ជាមិនខានទេ”។
យ៉ាងណាមិញ ក្នុងសន្ទរកថា លោកនាយករដ្ឋមន្រី្តបានថ្លែងទៀតថា គ្រោងនឹងធ្វើដូចសឹង្ហបុរីនៅចុងឆ្នាំនេះ ប៉ុន្តែត្រួវរង់ចាំអាកាសធាតុក្នុងប្រទេសល្អប្រសើរសិន។ ក្នុងនោះលោកបានសង្កត់ធ្ងន់នូវសម្ដីចុងក្រោយថា ថែខ្លួនឯងមានសេចក្តីថ្លៃថ្នូរ។ មានកន្លែងគួរឲ្យចាប់អារម្មណ៍ជាច្រើនដែលយើងអាចធ្វើរឿងទាំងនេះបាន នឹងទាក់ទាញភ្ញៀវទេសចរ ធ្វើឲ្យឧស្សាហកម្មទេសចរណ៍ ផ្តល់ឲ្យយើងនូវឱកាសដើម្បីក្លាយជាគោលដៅទេសចរណ៍នៅលើពិភពលោក។ នេះសន្មតថា Soft Power ក៏ដើរតួក្នុងការទាក់ទាញមនុស្សទាំងនេះផងដែរ។ សិង្ហបុរីមិនចង់ទាបជាងប្រទេសជិតខាងទេ វាគ្រាន់តែជាកោះតូចមួយដែលមានស្ថិរភាពខ្លាំង មានកន្លែងរៀបចំព្រឹត្តិការណ៍ល្អ។ ថៃក៏មានវាដែរហើយមានច្រើនជាងនេះទៅទៀតផង៕
អត្ថបទ៖ សាង ស្រីល័ក្ខ
ចុចអាន៖នាយករដ្ឋមន្ត្រី ថៃ បញ្ជាក់ច្បាស់ៗពីថ្ងៃដោះលែងលោក ថាក់ស៊ីន ឲ្យមានសេរីភាព
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ