Connect with us

ជីវិតកម្សាន្ដ

អ្នកគាំទ្រអស់សំណើច ពេលឃើញស្រោមទូរស័ព្ទ Hello Kitty របស់តួសម្ដែងរឿង “Train To Busan”

បានផុស

នៅ

បើទោះបីជាមានវ័យ ៥២ ឆ្នាំក៏ពិតមែន តែតារាសម្ដែងកូរ៉េខាងត្បូង Ma Dong Seok ត្រូវបានគេស្គាល់ថាលោកមានកាយសម្បទាមាំមួន និងតែងតែដើរតួជាបុរសខ្លាំង រឹងមាំក្នុងខ្សែភាពយន្តដូចជា Train To Busan (២០១៦) Unstoppable (២០១៨) និង The Roundup (២០២២) ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាដោយ មិនមែនឲ្យតែអាយុជ្រេសុទ្ធតែមិនអាចប្រើប្រាស់វត្ថុឬរបស់សំណព្វចិត្តបាននោះទេ។ ជាក់ស្ដែង តារាសម្ដែងមាឌធំ Ma Dong Seok គឺជាមនុស្សដែលងុបងល់នឹងរូបភាពឬតុកត្តា Hello Kitty សូម្បីតែស្រោមទូរសព្ធក៏លោកបានប្រើរូបមួយនេះក្នុងនាមជាអ្នកគាំទ្រមួយរូបផងដែរ។

កាលពីប៉ុន្មានថ្ងៃមុន តារាសម្ដែងកូរ៉េខាងត្បូងរូបនេះបានធ្វើដំណើរទៅកាន់ទីក្រុងប៊ែរឡាំង ដើម្បីផ្សព្វផ្សាយខ្សែភាពយន្តថ្មីរបស់គាត់ក្រោមចំណងជើងថា The Roundup: Punishment នៅពេលដែលគាត់បានបង្ហោះ IG ដោយដាក់ស្រោមទូរស័ព្ទ Hello Kitty ពណ៌ផ្កាឈូកដ៏ធំ ហើយធ្វើរូបបេះដូង។

ថ្វីបើយ៉ាងណា បន្ទាប់ពីរូបភាពរបស់តួប្រុសពេញដោយ​ទេព​កោសល្យ​ Ma Dong Seok បង្ហោះលើបណ្ដាញអ៉ិនធើណេតពីការពេញនិយមស្រោម​ទូរសព្ទ​សំណព្វចិត្តរបស់គាត់ ក្នុងនោះអ្នកគាំទ្រជាច្រើនបានចូលទៅបញ្ចេញមតិ​បែបចំអន់លេងថា លោកមិនត្រឹមតែរាង​សង្ហា​ មាឌមាំធំទេ សូម្បីតែបេះដូង​ក៏គួរឲ្យស្រលាញ់ដែរ។

ក្រោយមក Ma Dong Seok បានចែករំលែករូបថតមួយផ្សេងទៀតជាមួយនឹងស្រោមទូរស័ព្ទ Hello Kitty លើកនេះគាត់បាននិយាយលេងអំពីរបៀបដែលគាត់ចុចតួអក្សរពីរក្នុងពេលតែមួយ ដោយអ្នកគាំទ្រជាច្រើនបានសន្មតថានេះក៏ដោយសារតែម្រាមដៃរបស់គាត់ធំទើបប្រើតែដៃមួយប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖Dispatch ផ្សាយថា Lee Jae Wook និង Karina ក្រុម aespa មានទំនាក់ទំនងស្នេហា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម