ជីវិតកម្សាន្ដ

ឯម រៀម រងការរិះគន់ជាន់ពន្លិចវប្បធម៌ខ្មែរ ក្រោយស្លៀកឈុតរាជិនី AI គ្រឿងអេឡិចត្រូនិក

បានផុស

១០ ខែ មុន

នៅ

ថ្ងៃអង្គារ ២៨ ឧសភា ២០២៤

ដោយ

អ្នកច្នៃម៉ូដល្បីឈ្មោះលោក ឯម រៀម មុននេះ បានរងការរិះគន់យ៉ាងចាស់ដៃពីសំណាក់មហាជន ព្រមទាំងអ្នកប្រើប្រាស់បណ្តាញសង្គមហ្វេសប៊ុក បន្ទាប់ពីលោកបានតុបតែងខ្លួនប្លែកដោយការច្នៃគ្រឿងអេឡិចត្រូនិក (រាជិនី AI) ទៅចូលរួមកម្មវិធីសម្ពោធ MV បទ”ទេវរាជ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពរបស់អ្នកច្នៃម៉ូដលោក ឯម រៀម ដែលបានពាក់គ្រឿងអេឡិចត្រូនិកទៅចូលរួមកម្មវិធីធំដែលមានការចូលរួមពីសំណាក់តារាប្រុស-ស្រីល្បីៗ ជាច្រើននាក់ ខណៈពួកគេសុទ្ធសឹងតែតុបតែងខ្លួនស្លៀកសម្លៀកបំពាក់សម័យបុរាណយ៉ាងលេចធ្លោគ្រប់ទម្រង់។ តាមរយៈនេះគេសង្កេតឃើញមានមហាជនអ្នកគាំទ្រជាច្រើន បានសម្តែងការហួសចិត្ត និងរិះគន់លោក ឯម រៀម ដោយមិនសំចៃមាត់។

នៅលើទំព័រហ្វេសប៊ុករបស់អ្នកច្នៃម៉ូដ លោក ឯម រៀម បានបង្ហោះរូបភាពភ្ជាប់ខ្លឹមសារខ្លីថា ”រាជិនី AI ឯម រៀម ឈរនៅលើកម្រាលព្រំក្រហម នៃពិធីសម្ពោធ MV បទ “ទេវរាជ” របស់ Tep Boprek”។ យ៉ាងណាមិញ ផ្ទុយពីការគិត ភ្លាមៗ នោះ គេឃើញមានការបញ្ចេញមតិរិះគន់ជាច្រើនប្រៀបដូចទឹកបាក់ទំនប់ទៅលើ ឯម រៀម។

មតិរបស់អ្នកលេងហ្វេសប៊ុក បាននិយាយថា ”សារព័ត៌មាន និងអ្នកល្បីៗ គួរកុំថតជាប់គាត់ ឬ ផ្សាយពីគាត់អី សុំនិយាយមែន ខ្មាសសៀមណាស់ ពួកនោះចាំតែជាន់ទេ ជាពិសេសបងចាស់ហើយគួរយល់កាលៈទេសៈផង បងចូលរួមឃើញគេពាក់បែបបុរាណ ឬសម័យ បងអត់មានខ្មាសគេទេ ឬក៏ខួរបងខ្សោយ ហើយមិនចេះខ្មាសគេ សុំទោសដែលនិយាយពាក្យមិនល្អ តែបងធ្វើជ្រុលហើយ កម្មវិធីគេធ្វើឡើងផ្សព្វផ្សាយពីវប្បធម៌ បងឯងចេញមកជាន់វប្បធម៌ខ្មែរ”។

អ្នកលេងហ្វេសប៊ុក បានលើកឡើងទៀតថា ”មានតែសត្វតិរច្ឆានទេ មិនស្លៀកខោអាវដូចមនុស្សទេ ខុសគេតែឯង អានេះ បើស្រីវិញសំផឹងចំ គេខំលើកមុខមាត់ខ្មែរ ខុសតែវាចាំពន្លិច។ សុំសរសើរ ឯម រៀម ដែលធ្វើបាន គាត់ជាមនុស្សមិនធម្មតាទេ ដឹងថាស្លៀកពាក់ទៅដូចមនុស្សឆ្កួត តែគាត់នៅតែពាក់ នេះបញ្ជាក់ថា គាត់គឺជាកំពូលមនុស្ស។ តែងខ្លួនដូចមនុស្សឆ្កួត បងច្នៃខុស បែបបត់បងឯងអត់មានអារម្មណ៍ថាខ្លួនឯងខុសគេខុសឯងទេអី ខ្មាសគេជំនួស”។ ចំណែកខ្លះទៀតថា ”ប្លែកបែបមនុស្សឆ្កួត ប្លែកបែបពួកបែកថ្នាំ ឧទាហរណ៍ ,បើប្រជាជនខ្មែរយកម៉ូដដែលអាបណ្ឌិតវាច្នៃមកស្លៀកគ្រប់គ្នាទូទាំងប្រទេស គេមិនសើចងាប់ហើយទេហី? ថៃគេព្យាយាមចម្លងសម្លៀកបំពាក់បុរាណខ្មែរ តែខ្មែរម្នាក់នេះ បែរជាឆ្កួតនឹងម៉ូដឡប់ៗ ទៅវិញ មុនធ្វើស្អី គ្មានចេះប្រើខួរក្បាលគិតសោះ”។