ជីវិតកម្សាន្ដ

អ្នកដទៃខឹងស្អប់ ឯម រៀម ប៉ុន្តែលោក គួច ខេវិន បែរជាអាណិតអ្នកច្នៃម៉ូដរូបនេះទៅវិញ

បានផុស

២ years មុន

នៅ

ថ្ងៃអង្គារ ១៨ មិថុនា ២០២៤

ដោយ

អ្នកច្នៃម៉ូដលោក ឯម រៀម កាលពីថ្មីៗកន្លងទៅបានរងការរិះគន់ដូចទឹកបាក់ទំនប់ និងត្រូវបានសមាគមសិល្បករខ្មែរកោះហៅទៅពិភាក្សាសួរនាំជុំវិញការច្នៃម៉ូដសំលៀកបំពាក់មិនសមរម្យទៅចូលរួមកម្មវិធីធំមួយ ខណៈលោកបានសន្យាកែតម្រូវចំណុចខ្វះខាតរបស់ខ្លួនមិនឲ្យកើតមានទៀតឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាមហាជន និងអ្នកគាំទ្រមួយចំនួនបង្ហាញការមិនពេញចិត្តរិញគន់ទង្វើរបស់ ឯម រៀម ជាបន្តបន្ទាប់ ប៉ុន្តែបើក្រឡេកទៅមើលអ្នកដឹកនាំកម្មវិធីកម្សាន្តដ៏ល្បីឈ្មោះលោក គួច ខេវិន បែរជាបញ្ជាក់ទស្សនៈរបស់ខ្លួនដោយអាណិតលោក ឯម រៀម ផ្ទុយពីអ្នកដទៃដែលបានស្អប់ និងខឹងអ្នកច្នៃម៉ូដរូបនេះ។

លោក គួច ខេវិន បានថ្លែងថា អ្វីដែលពិតប្រាកដនឹងទៀងទាត់គឺ “ពេលវេលា” ពេលវេលាធ្វើឲ្យអ្វីៗគ្រប់យ៉ាងប្រែប្រួលតែអ្វីដែលមិនប្រែប្រួលមានតែពេលវេលាខ្លួនឯងហ្នឹង? យើងចង់ធ្វើអ្វីៗដើម្បីផ្គាប់ចិត្តគេតែគេមិនយល់ពីចិត្តរបស់យើងដែលចង់ផ្គាប់ចិត្តគេ ដូច្នេះគឺមានតែគេនោះទេដែលមិនយល់ពីយើង គឺមានតែយើងខ្លួនឯងផ្ទាល់ទើបយល់ពីខ្លួនឯង។

លោកនិយាយទៀតថា «ចូលប្រើខ្លួនយើងឲ្យត្រូវនឹងពេលវេលាកុំឲ្យពេលវេលាមកប្រើខ្លួនយើងបើប្រើគតិតាមទស្សនវិទ្យាទើបទាំងអ្នកនឹងខ្ញុំ គឺនឹកអាណិតចំពោះ លោក ឯម រៀម? ខ្ញុំបានជួបលោក ឯម រៀម ដោយចៃដន្យ តែខ្ញុំអាណិតគាត់មែនទែននៅពេលដែលឃើញមនុស្សជាច្រើនមិនជេរប្រមាថត្រឹមតែគាត់បែរជាជេរឪពុកម្តាយគាត់ដែលលោកមិនបានដឹងរឿងអ្វីសោះ? ពេលវេលាធ្វើឲ្យមនុស្សប្រែប្រួលមែន? ប្រើភ្នែក ប្រើត្រចៀក ប្រើមាត់ តែមិនប្រើវិចារណញ្ញាណ»។

ឮ

គួររម្លឹកថា បន្ទាប់ពីរងការរិះគន់ជាច្រើនរហូតត្រូវបានសមាគមសិល្បករខ្មែរបានកោះហៅទៅពិភាក្សា និងសួរនាំជុំវិញការច្នៃម៉ូដសម្លៀកបំពាក់មិនសមរម្យទៅចូលរួមកម្មវិធីធំមួយកាលពីថ្មីៗកន្លងទៅនេះ លោក ឯម រៀម បានទទួលយកការរិះគន់របស់មហាជន និងសន្យាអនុវត្តតាមការណែនាំរបស់ប្រធានសមាគមសិល្បះខ្មែរ៕

អត្ថបទ៖ ចាន់រ៉ា