មកស្គាល់​អាវុធទំនើបៗដែលអ៊ីរ៉ង់កំពុងប្រើប្រាស់ក្នុងសមរភូមិឆ្នាំ២០២៦នេះ!

ក្នុងសប្តាហ៍ដំបូងនៃខែមីនា​ឆ្នាំ២០២៦​នេះ សង្គ្រាមរវាងអ៊ីរ៉ង់ និងសម្ព័ន្ធមិត្តអាមេរិក-អ៊ីស្រាអែល បានឈានដល់កម្រិតបច្ចេកវិទ្យាយោធាខ្ពស់បំផុតដែលមិនធ្លាប់មាន។ ដើម្បីឆ្លើយតបនឹងប្រតិបត្តិការ «Epic Fury» របស់លោកប្រធានាធិបតី ដូណាល់ ត្រាំ និងការវាយប្រហាររបស់អ៊ីស្រាអែល ទីក្រុងតេហេរ៉ង់បានបញ្ចេញឃ្លាំងអាវុធយុទ្ធសាស្ត្ររបស់ខ្លួនយ៉ាងពេញទំហឹង។

១. អាវុធល្បឿនលឿនជាងសំឡេង និងមីស៊ីលបាលិស្ទិក

អ៊ីរ៉ង់បានធ្វើ​ឲ្យ​ពិភពលោកភ្ញាក់ផ្អើលដោយការប្រើប្រាស់មីស៊ីល Fattah-2 ដែលជាប្រភេទអាវុធល្បឿនលឿនជាងសំឡេង (Hypersonic Glide Vehicle) ជាលើកដំបូងក្នុងសមរភូមិពិត ដើម្បីកម្ទេចរ៉ាដាការពារអាកាស Arrow-3។ ជាមួយគ្នានេះ មីស៊ីល Kheibar Shekan និង Khorramshahr-4 (បំពាក់ក្បាលគ្រាប់បែកចង្កោម) ត្រូវបានបាញ់សំដៅទៅលើទីក្រុងតេអាវីវ និងមូលដ្ឋានទ័ពអាកាស Nevatim។ នេះ​បើ​តាម​ការ​ផ្សាយរបស់ទស្សនាវដ្ដី Military Watch។

២. ដ្រូនអត្តឃាត និងដ្រូនស៊ើបការណ៍

តាម​របាយការណ៍​ចុះ​ផ្សាយ​ដោយ​ Indian Express ក្រៅពី Shahed-136 ដែលគេស្គាល់ទូទៅ អ៊ីរ៉ង់បានដាក់ពង្រាយដ្រូន Shahed-101 ជំនាន់ថ្មីដែលមានទំហំតូចជាងមុន និងពិបាកចាប់ដោយរ៉ាដា។ នៅលើសមរភូមិរយៈកម្ពស់ខ្ពស់ ដ្រូន Shahed-147 ត្រូវបានប្រើសម្រាប់ស៊ើបការណ៍ និងកំណត់គោលដៅបើក​​ផ្លូវ​​ឲ្យ​មីស៊ីលគ្រូស Paveh-700 វាយប្រហារលើនាវាដឹកប្រេងក្នុងសមុទ្រអារ៉ាប់។

៣. សង្គ្រាមអេឡិចត្រូនិក និងការការពារអាកាស

យោធាអ៊ីរ៉ង់បានប្រើប្រាស់ប្រព័ន្ធ Bavar-373 រួមជាមួយមីស៊ីល Sayyad-4B ដើម្បីព្យាយាមស្ទាក់ចាប់យន្តហោះបំបាំងកាយ F-35។ អ្វីដែលសំខាន់បំផុតនោះគឺការប្រើប្រាស់ សង្គ្រាមអេឡិចត្រូនិក (Electronic Warfare) ដើម្បីបង្អាក់ប្រព័ន្ធ GPS របស់មីស៊ីល Tomahawk អាមេរិក និងការប្រើប្រាស់នាវា Makran ជាមូលដ្ឋានទ័ពអាកាសចល័តនៅកណ្តាលសមុទ្រ។ នេះ​បើ​តាម​ការ​ចុះ​ផ្សាយ​របស់​ Legacy IAS៕

ប្រែសម្រួល៖ ឈាង